பாம்பன் பாலத்தில் அரசுப் பேருந்துகள் நேருக்கு நேர் மோதி விபத்து.. அதிவேகத்தால் நேர்ந்த சம்பவம்

ராமநாதபுரம் மாவட்டம் ராமேஸ்வரம் பேருந்து நிலையத்திலிருந்து அரசு பேருந்து ஒன்று மதுரையை நோக்கி பாம்பன் சாலை பாலத்தில் சென்று கொண்டிருந்த போது கட்டுப்பாட்டை இழந்துள்ளது.

இதனால் எதிரே மதுரைக்கு இருந்து வந்த மற்றொரு அரசு பேருந்து மீது இந்த பேருந்து நேருக்கு நேர் மோதி விபத்துக்குள்ளானது. இதில் ராமேஸ்வரத்தில் இருந்து மதுரை நோக்கி சென்ற அரசு பேருந்து ஓட்டுனர்கள் படுகாயமடைந்தார்.

சம்பவ இடத்திற்கு விரைந்து பாம்பன் காவல்துறையினர் விபத்தில் சிக்கியவர்களை மீட்டு சிகிச்சைக்காக ராமநாதபுரம் மற்றும் ராமேஸ்வரம் அரசு மருத்துவமனைக்கு அனுப்பி வைத்தனர்.

இந்த விபத்தால் சிறிது நேரம் போக்குவரத்து நெரிசல் ஏற்பட்டது. 10 நாடகங்களுக்கு இரண்டு விபத்து நடைபெற்றது வாகன ஓட்டிகளை அச்சமடைய‌‌ செய்துள்ளது. இதுபோன்ற‌ விபத்துகள் நடைபெறாமல் இருக்க பாம்பன் சாலை பாலத்தில் செல்லும் வாகனங்கள் வேகமாக செல்லாமல் குறைந்த வேகத்தில் செல்ல வேண்டும் என்று காவல்துறையினர் வாகன ஓட்டிகளை வழியுறுத்துகின்றனர்.