திருப்புமுனை: திமுகவில் மு.க. ஸ்டாலின் தலைவராக தன்னை நிரூபித்த தருணம்

தனது 14வது வயதிலேயே அரசியல் களத்துக்கு வந்தபோதிலும் திமுக-வில் முக்கிய பொறுப்புகள் மு.க. ஸ்டாலினுக்கு எளிதில் கிடைத்துவிடவில்லை. அவசர நிலை பிரகடன காலத்தில் சிறையில் அடி- உதை என ஒரு வருட காலம் தந்த அனுபவம் எதிர்கால அரசியல் சவால்களுக்கு அடித்தளம் அமைத்துத் தந்தபோதிலும் கட்சித் தலைவரின் மகனுக்கு பதவி எதுவும் கிட்டிடவில்லை. 1982-ல்தான் திமுக இளைஞரணி அமைப்பாளராக நியமிக்கப்பட்டார். 31வது வயதில்தான் சட்டப்பேரவைத் தேர்தலில் போட்டியிட வாய்ப்பு கிடைத்தது. இந்திராகாந்தி மரண அலையில் தோல்வியே கிட்டியது. எனினும் திமுக இளைஞரணி செயலாளராக கட்சியில் துடிப்புமிக்க பிரிவினை களப்பணிக்கு தொடர்ந்து தயார்படுத்தி வந்த ஸ்டாலின். 1989-ல் தான் எம்எல்ஏ ஆனார்.