சிங்கப்பூர் ஓபன் பேட்மிண்டன் போட்டியில் வெற்றி பெற்ற பி.வி சிந்துவை கவுரவுப்படுத்திய அமுல்!

இரட்டை ஒலிம்பிக் பதக்கம் வென்ற வெற்றியைப் பாராட்டும் வகையில் அமுல் நிறுவனம் "சிந்துபூர் ஓபன்" என்ற பட்டம் அழித்து சிறப்பித்தது. இது சிந்துவின் அபார வெற்றியை காட்டுகிறது.

ஆட்டத்தின் துவக்கத்தில் முதல் இரண்டு புள்ளிகளை இழந்திருந்த சிந்து, பின்னர் அதிரடியாக விளையாடி இறுதி சுற்றில் வெற்றி பெற்றார்.

சிங்கப்பூர் ஓபன் பட்டத்தை வென்ற சிந்து, இந்திய பெண்களில் 2வது இடத்தை பெற்றுள்ளதோடு, ஒட்டுமொத்தமாக இந்தியாவில் மூன்றாவது இடத்தையும் பிடித்து சாதனை படைத்துள்ளார் என்பது பெருமைக்குரிய ஒன்றாக உள்ளது.

இரட்டை ஒலிம்பிக் பதக்கம் வென்ற சிந்துவின் வெற்றியைப் பாராட்டி, அமுல் டாப்பிக்கல் (Amul topical) "சிந்துபூர் ஓபன்" என்ற தலைப்பில் வெற்றியை கொண்டாடியதோடு அதை ட்விட்டரில் பதிவிட்டுள்ளது.

அமுல் நிறுவனம் தனது ட்விட்டர் பக்கத்தில் "இந்தியாவின் பேட்மிண்டன் நட்சத்திரம் தனது தொப்பியில் மற்றொரு இறகை சேர்த்துள்ளது” எனவும் பதிவிட்டுள்ளது.

ட்விட்டர் பக்கத்தில் அனைவரும் கருத்துகள் பிரிவில் வாழ்த்துக்களையும், பாராட்டுகளையும் பொழிந்துள்ளது குறிப்பிடத்தக்கது. இந்திய பிரதமர் நரேந்திர மோடியும் ஞாயிற்றுக்கிழமை (ஜூலை 17) அவருக்கு வாழ்த்து தெரிவித்துள்ளார். மேலும் இந்த வெற்றியின் மூலம் நம் நாட்டிற்கு பெருமையை சேர்த்துள்ளதாகவும், இந்த வெற்றி பல வீரர்களின் விடாமுயர்ச்சியை ஊக்குவிக்கும் வகையில் அமைந்துள்ளதாகவும் அவர் கூறினார்.

சிந்து "சூப்பர் 500 " போட்டியில் பட்டம் வென்றதை "ஆரம்பம்" என்றும் அழைத்தனர், ஏனெனில், அவர் இலக்ககை மிகவும் பெரிதாகவே கொண்டிருப்பார். சீனாவின் வாங் ஸி யீ உடனான கடுமையான போரில், சிந்து அவரை வென்றார்.மேலும் ஆசிய சாம்பியன்ஷிப் தங்கப் பதக்கம் வென்றவருக்கு எதிராக 21-9 11-21 21-15 என்ற கணக்கில் வெற்றி பெற்றார்.

அவர் இப்போது ஜூலை 28 ஆம் தேதி Birmingham- ல் தொடங்கும் காமன்வெல்த் விளையாட்டுப் போட்டிகளில் விளையாடுவார் என்று செய்தி வெளியாகியுள்ளது.