ஆடு மேய்க்க சென்ற பெண்ணிடம் அத்துமீறிய போதை ஆசாமிகள்... தப்பிக்க முயன்றதால் கொடூர கொலை.. அதிர்ச்சி சம்பவம்!

அந்த பெண் அவர்களிடம் இருந்து தப்பிக்க கடுமையாக போராடியுள்ளார். ஆனால், மதுபோதை தலைக்கேறிய நிலையில் இருந்த இருவரும், அந்த பெண்ணை பாண்டவையாற்றில் தள்ளி நீரில் மூழ்கடித்துள்ளனர். அங்கு ஆட்கள் வருவதை கண்டதும் அவர்கள் ஆற்றங்கரையில் இருந்து தப்பியோடியுள்ளனர். பின்னர், அருகே சென்று பார்த்த போது ஆடு மேய்க்க சென்ற பெண் மயக்க நிலையில் கிடந்துள்ளார்.

உடனே, அவரை மீட்டு திருவாரூர் அரசு மருத்துவக் கல்லூரி மருத்துவமனைக்கு தூக்கிச் சென்றனர். அங்கு பரிசோதனை செய்த மருத்துவர்கள் அவர் ஏற்கனவே இறந்து விட்டதாக கூறியுள்ளனர். இதுகுறித்து வழக்குப்பதிவு செய்த கொரடாச்சேரி போலீஸார் விசாரணை மேற்கொண்டனர். விசாரணையில் பெண்ணிடம் அத்துமீறலில் ஈடுபட்டது திருவிடைவாசல் பகுதியை சேர்ந்த முருகன் மற்றும் அஜித்குமார் என்பது தெரியவந்தது.

பின்னர், இருவரையும் கைது செய்த போலீசார், தொடர்ந்து விசாரணை மேற்கொண்டு வருகின்றனர். பாண்டவையாறு பகுதியில் டாஸ்மாக் கடை உள்ளதால், அங்கு வரும் போதை ஆசாமிகளால் பெண்களுக்கு அச்சுறுத்தல் ஏற்படுவதாக கிராம மக்கள் குற்றம் சாட்டியுள்ளனர். இதனால், அங்குள்ள டாஸ்மாக் கடையை அகற்றுவதுடன், பெண்ணை தண்ணீரில் மூழ்கடித்துக் கொலை செய்த இருவருக்கும் கடுமையான தண்டனை வழங்க வேண்டும் எனவும் கோரியுள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.