Swiggy, Zomato-வில் மதுபானங்கள் டெலிவரி? - டாஸ்மாக் கொடுத்த அதிரடி விளக்கம்

மகாராஷ்ட்ரா, ஜார்க்கண்ட், சத்தீஸ்கர், ஒடிசா, மேற்குவங்கம் மற்றும் அசாமில் அப்போது வழங்கப்பட்ட இந்த ஆன்லைன் மதுபான டெலிவரி சேவை பின்னாளில் நிறுத்தப்பட்டது.

எனினும், ஜார்க்கண்ட் மாநிலத்தில் ராஞ்சியில் வீடு தேடி மதுபானம் டெலிவரி செய்யும் உரிமையை ஸ்விக்கி பெற்றது. அதேபோன்று Zomato, நிறுவனம் ராஞ்சி மட்டுமின்றி அம்மாநிலத்திற்கு உட்பட்ட 7 நகரங்களில் இந்த சேவையை விரிவுபடுத்த முடிவெடுத்துள்ளது.

டெல்லி, கர்நாடகா, ஹரியானா, பஞ்சாப், கோவா, கேரளா போன்ற மாநிலங்கள் வீட்டிற்கே நேரடியாக மதுபானங்களை டெலிவரி செய்வதை அனுமதிக்கும் திட்டங்கள் குறித்து ஆலோசனை செய்து வருவதாகவும், ஏற்கனவே ஒடிசா, மேற்கு வங்க மாநில அரசுகள் இதற்கான அனுமதியை வழங்கியிருப்பதாகவும் தமிழகத்திலும் இதற்கான அனுமதியை இந்நிறுவனங்கள் கோரியதாகவும் தெரிவிக்கப்பட்டது.

இந்நிலையில், இந்த செய்திக்கு டாஸ்மாக் நிர்வாகம் மறுப்பு தெரிவித்துள்ளதோடு, எந்த புதிய முயற்சியிலும் டாஸ்மாக் இறங்கும் திட்டம் இல்லை என்றும், டெட்ரா பாக்கெட் எனப்படும் காகித குடுவையில் மதுபானங்களை அறிமுகம் செய்யவும் திட்டமிடவில்லை எனவும் விளக்கம் அளிக்கப்பட்டுள்ளது.