Union budget 2025 | வெளிநாட்டு முதலீடுகளை ஈர்க்க மதுரையின் புறநகர் பகுதிகளில் தொழிற்சாலைகள் அமைக்க வேண்டும் - தொழிற்துறையினர்

இதேபோல், மதுரை மெட்ரோ ரயில் பாதைக்கு கணக்கிடப்பட்டுள்ள 11 ஆயிரத்து 500 கோடி ரூபாயில், மத்திய அரசு 20 சதவீதமும், மாநில அரசு 20 சதவீதமும் இந்த ஆண்டு பட்ஜெட்டில் ஒதுக்க முயற்சிகளை எடுக்க வேண்டும் என்பதும் மதுரை மக்களின் கோரிக்கையாக உள்ளது.

2011ஆம் ஆண்டு அறிவிக்கப்பட்ட National institute of pharmaceutical education and research பணிகள் மதுரையை தவிர மற்ற 7 இடங்களில் முடிந்துவிட்டதாக கூறப்படுகிறது. மதுரையில் 116 ஏக்கரில் சுற்றுவேலி அமைத்ததுடன் பணிகள் நிறுத்தப்பட்டுள்ளதாகவும், அதற்கான முழு நிதியை ஒதுக்கி பணியை முடித்துத் தரவும் அப்பகுதி மக்கள் கோரிக்கை விடுத்துள்ளனர்.

மதுரை, கோயம்புத்தூர், சேலம் உள்ளிட்ட மாவட்டங்களுக்கு அறிவிக்கப்பட்ட ஒருங்கிணைந்த பேருந்து நிலையத்திற்கு இந்த பட்ஜெட்டில் நிதி ஓதுக்கவும் கோரிக்கை எழுந்துள்ளது. இந்தத் திட்டங்கள் அனைத்தும் பயன்பாட்டிற்கு வந்தால் தங்களுக்கு பெரும் உதவியாக இருக்கும் என கூறுகிறார்கள் வர்த்தகர்கள்.

வங்கிகள் மூலம் சோலார் பேனல் அமைக்க 25 சதவீதம் மானியம் தர வேண்டும் என்பதும், இது சிறுகுறு தொழிற்துறை வளர்ச்சிக்கு உதவும் என்பதும் அவர்களின் முக்கிய கோரிக்கையாக உள்ளது.

புதிதாக வரும் தனியார் தொழில் பூங்காவில் சாலை, மின்சார வசதி உள்ளிட்டவை அமைப்பதற்கு 50 சதவீதத்தில் 90 சதவீதமாக மானியம் உயர்த்தி தர தொழில் நிறுவனங்கள் கோரி உள்ளனர்.