வங்கதேசத்தில் கலவரத்தில் பலி எண்ணிக்கை 105-ஆக உயர்வு... தமிழ்நாடு முதல்வர் வெளியிட்ட முக்கிய அறிவிப்பு

1971-ஆம் ஆண்டு பாகிஸ்தானுடனான போரில் உயிரிழந்தோரின் வாரிசுகளுக்கு வங்கதேச அரசு வேலைவாய்ப்புகளில் 30 விழுக்காடு இட ஒதுக்கீட்ட்டை அமல்படுத்தியுள்ளது. இந்த இடஒதுக்கீடு கடந்த 2018-ஆம் ஆண்டு நிறுத்தி வைக்கப்பட்டது. இதனை மீண்டும் அமல்படுத்த அரசு திட்டமிட்டு வரும் நிலையில் இதற்கு பல்வேறு தரப்பினர் எதிர்ப்புத் தெரிவித்து போராட்டம் நடத்தினர். தலைநகர் டாக்காவில் நடந்த போராட்டம் வன்முறையாக மாறியது.

வங்கதேசத்தில் இடஒதுக்கீடு தொடர்பான போராட்டங்களால் தற்போது நிலவும் பதற்றமான சூழ்நிலை காரணமாக, தமிழர்கள் சிலர் தாயகம் திரும்ப முடியாமல் சிக்கித் தவிப்பதாக தகவல்கள் கிடைத்துள்ளன. இதனை கருத்தில் கொண்டு, அங்கு வசிக்கும் இந்தியர்கள் உள்ளூர் பயணங்களை தவிர்க்கவும், வெளியே நடமாடுவதை குறைக்கவும் இந்திய தூதரகம் அறிவுறுத்தியுள்ளது.

வங்கதேசத்தில் உள்ள தமிழர்களுக்கு உதவி தேவைப்படின், கட்டணமில்லா உதவி எண்களை தொடர்பு கொள்ளலாம் எனவும் தெரிவிக்கப்பட்டுள்ளது.