Actress with Hardik : மூன்று ஹீரோக்களுடன் டேட்டிங் - இப்போ ஹர்திக் பாண்டியா உடன் நெருக்கம் காட்டும் நடிகை!

சினிமா துறையில் டேட்டிங் கலாச்சாரம் மிகவும் சகஜமாக உள்ளது. பல ஹீரோக்கள், ஹீரோயின்கள் டேட்டிங்கில் ஈடுபடுகிறார்கள் என்பது நமக்கு தெரிந்ததுதான்.

டேட்டிங் செய்யும் வேகத்திலேயே ஒருவரை பிரிந்து வேறு யாரையாவது தேடிக் கொள்கின்றனர். டோலிவுட்டை சேர்ந்த ஒரு நாயகி இதுவரை மூன்று பேருடன் டேட்டிங் செய்துள்ளார். தற்போது அந்த பட்டியலில் நான்காவது இணைந்திருப்பவர் ஹர்திக் பாண்டியா.

அண்மையில் மனைவி நடாஷாவை ஹர்திக் பாண்டியா விவாகரத்து செய்தார். இதையடுத்து அவர் பழகி வரும் அழகி வேறு யாருமல்ல லைகர் ஹீரோயின் அனன்யா பாண்டே. சங்கி பாண்டேவின் மகளாக திரையுலகில் நுழைந்த இந்த அழகி, தனது கிளாமர் மற்றும் நடிப்பால் தெலுங்கு திரையுலகில் தனி அங்கீகாரம் பெற்றார்.

இவர் ஏற்கனவே ஷாஹித் கபூரின் தம்பி இஷான் கட்டர், கார்த்திக் ஆர்யன் மற்றும் ஆதித்யா ராய் கபூர் ஆகியோருடன் டேட்டிங் செய்துள்ளார். இது பலருக்கும் தெரிந்தது ஒன்றுதான். அண்மையில் தான் ஆதித்யா ராய் கபூரை விட்டு இவர் பிரிந்தார்.

தற்போது ஹர்திக் பாண்டியா புதிய காதலனாக அவரது லிஸ்டில் இணைந்துள்ளதாக பேச்சு உலா வருகிறது. அண்மையில் நடந்த அனந்த் அம்பானியின் திருமணத்தில் இருவரும் சேர்ந்து உலா வந்தனர். தற்போது இருவரும் சமூக வலைதளங்களில் ஒருவரையொருவர் பின்தொடர்கின்றனர்.

மேலும், அனன்யா பாண்டே மற்றும் ஹர்திக் பாண்டியாவின் கேப்ஷன்களும் ஏறக்குறைய ஒன்றுதான். அதனால் இவர்கள் இருவருக்கும் இடையே ரகசிய உறவு இருப்பதாக செய்திகள் வெளியாகியுள்ளன. இதில் உண்மை என்னவென்று தெரியவில்லை ஆனால், இது தொடர்பான கிசுகிசுக்கள் சமூக வலைதளங்கள் பரவி வருகின்றன. மறுபுறம், ஹர்திக் பாண்டியா தனது மனைவி நடாஷாவுடன் விவாகரத்து செய்வதாக அறிவித்து ஒரு வாரம் கூட ஆகாத நிலையில், அவர் புதிய உறவில் ஈடுபட்டிருப்பதாக நெட்டிசன்கள் பலரும் கருத்து தெரிவித்து வருகின்றனர்.