அமெரிக்க துணை அதிபருக்கு தனது இல்லத்தில் உற்சாக வரவேற்பு கொடுத்த பிரதமர் மோடி

இந்தியா வந்துள்ள அமெரிக்க துணை அதிபர் ஜே.டி.வேன்ஸ்க்கு, பிரதமர் மோடி தனது இல்லத்தில் வரவேற்பு அளித்தார்.

அமெரிக்க துணை அதிபராகப் பதவியேற்ற பின் முதல்முறையாக ஜே.டி வேன்ஸ், இந்திய வம்சாவளியைச் சேர்ந்த மனைவி உஷா மற்றும் குழந்தைகளும் இந்தியா வந்துள்ளார். அதன்பின் டெல்லியில் உள்ள அக்ஷர்தாம் கோயிலுக்கு ஜே.டி.வேன்ஸ் குடும்பத்தினருடன் சென்று சாமி தரிசனம் செய்தார்.

இதையடுத்து மாலையில் அவர் பிரதமர் நரேந்திர மோடியை அவரது இல்லத்தில் சந்தித்தார். அப்போது வேன்ஸின் மகன்களில் ஒருவரை தனது மடியில் வைத்து பிரதமர் கொஞ்சினார்.

மேலும் அவர்களுக்கு மயில் இறகுகளையும் பரிசளித்தார். 3 நாள் பயணமாக இந்தியா வந்துள்ள ஜே.டி.வேன்ஸ் ஜெய்ப்பூர் ஆக்ரா உள்ளிட்ட இடங்களுக்குச் செல்கிறார்.