Home /virudhunagar /

வாக்காளர்கள் அட்டையுடன் ஆதார் இணைப்பு- விருதுநகரில் நாளை சிறப்பு முகாம் ஏற்பாடு செய்த ஆட்சியர்

வாக்காளர்கள் அட்டையுடன் ஆதார் இணைப்பு- விருதுநகரில் நாளை சிறப்பு முகாம் ஏற்பாடு செய்த ஆட்சியர்

மாதிரிப் படம்

மாதிரிப் படம்

விருதுநகர் மாவட்டத்தில் உள்ள அனைத்து வாக்குச்சாவடி அமைவிடங்களிலும் ஆதார் எண்ணை இணைக்க நாளை சிறப்பு முகாம்களுக்கு ஏற்பாடு செய்யப்பட்டுள்ளது.

  • News18 Tamil
  • 1 minute read
  • Last Updated :
  • Virudhunagar, India
    விருதுநகர் மாவட்டத்தில் அனைத்து வாக்குச்சாவடி அமைவிடங்களிலும் ஆதார் எண்ணை இணைக்கும் சிறப்பு முகாம் நாளை 04.09.2022(ஞாயிற்றுக் கிழமை) நடைபெற இருப்பதாக மாவட்ட ஆட்சியர் ஜெ.மேகநாத ரெட்டி தெரிவித்துள்ளார்.

    இது குறித்து விருதுநகர் மாவட்ட ஆட்சியர் ஜெ.மேகநாத ரெட்டி, ’இந்திய தேர்தல் ஆணைய உத்தரவின்படி, வாக்காளர் பட்டியலிலில் இடம்பெற்றுள்ள ஒவ்வொரு வாக்காளரிடம் இருந்து அவர்களது ஆதார் எண்ணை பெற்று வாக்காளார் விபரங்களுடன் இணைக்கும் பணியானது 01.08.2022 முதல் நடைபெற்று வருகிறது.

    விருதுநகர் மாவட்டத்தில் மொத்தமுள்ள 16,26,710 வாக்காளர்களில் 31.08.2022 வரை 7,00,484 வாக்காளர்கள் தங்களது ஆதார் எண்ணினை வாக்காளர் பட்டியலுடன் இணைத்துள்ளனர். வாக்காளர் பட்டியலில் ஆதார் எண்ணினை இணைக்காத பொதுமக்கள் தங்களது ஆதார் எண்ணினை தேசிய வாக்காளர் சேவை இணையதளம் (http://www.nvsp.in), வாக்காளர் உதவி செயலி அல்லது வாக்காளர் இணைய தளம் https://voterportal.eci.gov.in ஆகியவற்றின் மூலம் தாங்களே ஆதார் எண்னை இணைத்துக்கொள்ளலாம்.

    வாக்காளர்கள் அளிக்கும் ஆதார் எண்ணானது பொது வெளியில் எக்காரணம் கொண்டும் காட்சிப்படுத்தப்படாது. ஆதார் விவரங்கள் ஆதார் ஆணையத்தின் உரிமம் பெற்ற சேமிப்பகத்தில் மட்டுமே சேமிக்கப்படவுள்ளது. இதன் மூலம் பாதுகாப்பு உறுதி செய்யப்பட்டுள்ளது.

    இதுவரை வாக்காளர் பட்டியலுடன் ஆதார் எண்ணினை இணைக்காத வாக்காளர்களின் வசதிக்காக 04.09.2022 (ஞாயிற்றுக் கிழமை) மாவட்டத்தில் உள்ள அனைத்து வாக்குச்சாவடி அமைவிடங்களிலும் ஆதார் எண்ணினை இணைக்கும் சிறப்பு முகாம் நடைபெற உள்ளது. எனவே வாக்காளர்கள் இந்த வாய்ப்பினை தவறாது பயன்படுத்தி கொள்ளுமாறு தெரிவித்துள்ளார்.
    Published by:Karthick S
    First published:

    Tags: Local News, Virudhunagar

    அடுத்த செய்தி