Home /virudhunagar /

மத்திய அரசின் கிசான் நிதியை பெற விவசாயிகளுக்கு முக்கிய அறிவிப்பு

மத்திய அரசின் கிசான் நிதியை பெற விவசாயிகளுக்கு முக்கிய அறிவிப்பு

மாதிரிப் படம்

மாதிரிப் படம்

விவசாயிகள் 12 வது  தவணையாக கிசான் நிதியை  தொடர்ந்து பெற ஆவணங்களை புதுப்பிக்க வேண்டும் என்று சாத்தூர் வட்டார வேளாண்மை உதவி இயக்குனர் சந்திரசேகரன் தெரிவித்துள்ளார். 

  • News18 Tamil
  • 1 minute read
  • Last Updated :
  • Sattur, India
    விவசாயிகள் 12-வது தவணையாக கிசான் நிதியை தொடர்ந்து பெற ஆவணங்களை புதுப்பிக்க வேண்டும் என்று விருதுநகர் மாவட்டம் சாத்தூர் வட்டார வேளாண்மை உதவி இயக்குனர் சந்திரசேகரன் தெரிவித்துள்ளார்.

    நாடு முழுவதும் பிரதமரின் கிசான் நிதி திட்டத்தில் விவசாயிகளுக்கு அவர்களது வங்கி கணக்கில் நேரடியாக பணம் ரூ.2000 வீதம் 3 தவணையாக ஆண்டுக்கு ரூ.6000 செலுத்தப்படுகிறது.

    இந்நிலையில், விருதுநகர் மாவட்டத்தில் பிரதமரின் கிசான் திட்டத்தில், பயனாளிகள் அனைவருக்கும் 11 தவணைகள் பணம் செலுத்தப்பட்டுள்ளது.

    12-வது தவணையாக ரூ. 2,000 பெறுவதற்கு பயனாளிகள் அனைவரும் தங்களது வங்கிக்கணக்கு எண்ணுடன் ஆதாா் எண்ணை இணைக்க வேண்டும். அவ்வாறு இணைக்கப்பட்ட பி.எம் கிசான் திட்ட ஆதாா் எண்ணுடன் தொலைபேசி எண்ணை தவறாமல் இணைக்கவேண்டும்.

    இதில், யாரேனும் தொலைபேசி எண்ணை மாற்றம் செய்திருந்தால், தற்போது பயன்பாட்டில் உள்ள தொலைபேசி எண்ணை ஆதாா் எண்ணுடன் இணைக்க அருகிலுள்ள அஞ்சல்நிலையத்தை அணுகி இணைத்துக் கொள்ளலாம்.

    அதன் பின்னா் இ. கே.ஒய்.சி செய்து கொள்ள 48 மணி நேரத்துக்குள் அருகில் உள்ள இ -சேவைமையத்தை அணுகி பி.எம் கிசான் வலைதளத்தில் தங்களது தொலைபேசி எண்ணை உள்ளீடு செய்து பின்னா் பெறப்படும் ஓ.டி.பி எண்ணை பதிவேற்றம் செய்து தங்களது பி.எம் கிசான் திட்ட கணக்கு எண்ணுக்கு 12-வது தவணை நிதி பெறுவதை உறுதி செய்து கொள்ள வேண்டும்.

    மேலும், விவசாயிகள் தங்களது பட்டா, சிட்டா, ஆதாா் விவரங்களை கட்டாயமாக தங்கள் பகுதி உதவி வேளாண் அலுவலரிடம் கொடுத்து உழவா் அலுவலா் தொடா்பு திட்ட செயலி மூலம் நில ஆவணங்களைச் சரிபாா்த்து உறுதி செய்து கொள்ளலாம் என்று சாத்தூர் வட்டார வேளாண்மை உதவி இயக்குனர் சந்திரசேகரன் தெரிவித்துள்ளார்.
    Published by:Karthick S
    First published:

    Tags: Local News, Virudhunagar

    அடுத்த செய்தி