Home /virudhunagar /

விருதுநகரில் காவல்துறை தேர்வுக்கு இலவச பயிற்சி வகுப்பு நாளை தொடக்கம்

விருதுநகரில் காவல்துறை தேர்வுக்கு இலவச பயிற்சி வகுப்பு நாளை தொடக்கம்

விருதுநகர்

விருதுநகர்

Police Free Course |விருதுநகர் மாவட்டம் சூலக்கரையில், தமிழ்நாடு சீருடை பணியாளர் போட்டி தேர்வுகளுக்கு  மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சார்பில் இலவச பயிற்சி வகுப்புகள் நாளை (23ம் தேதி )  முதல் நடத்தப்படுகிறது.

மேலும் படிக்கவும் ...
  • News18 Tamil
  • 1 minute read
  • Last Updated :
  • Virudhunagar, India
விருதுநகர் மாவட்டம் சூலக்கரையில், தமிழ்நாடு சீருடை பணியாளர் போட்டி தேர்வுகளுக்கு மாவட்ட வேலைவாய்ப்பு மற்றும் தொழில்நெறி வழிகாட்டும் மையம் சார்பில் இலவச பயிற்சி வகுப்புகள் நாளை (செப்.23ம் தேதி ) முதல் நடத்தப்படுகிறது. இதில் விருப்பம் உள்ளவர்கள் இணைந்து கொள்ளலாம் என்று தெரிவிக்கப்பட்டுள்ளது.

இதையொட்டி விருதுநகர் மாவட்ட கலெக்டர் மேகநாதரெட்டி விடுத்துள்ள செய்திக்குறிப்பில் கூறியிருப்பதாவது:- தமிழ்நாடு அரசுப் பணியாளர் தேர்வாணையம் மற்றும் தமிழ்நாடு சீருடை பணியாளர் தேர்வாணையம் நடத்தும் போட்டி தேர்வுகளுக்கு தயாராகும் விருதுநகர் மாவட்ட தேர்வர்கள் பயன்பெறும் வகையில் தமிழ்நாடு அரசு வேலை வாய்ப்பு மற்றும் பயிற்சித்துறை சார்பில் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் தன்னார்வ பயிலும் வட்டம் வாயிலாக, இலவச பயிற்சி வகுப்புகள் மாவட்ட வேலைவாய்ப்பு மற்றும் தொழில்நெறி வழிகாட்டும் மையம், சூலக்கரையில் நடைபெற்று வருகிறது.

இதையும் படிங்க; பட்டாசு ஆலைகளுக்கு விருதுநகர் ஆட்சியரின் முக்கிய அறிவிப்பு

இந்த பயிற்சி வகுப்புகள் திறன் வாய்ந்த பயிற்றுநர்களை கொண்டு நடத்தப்பட்டு வருகிறது. மேலும் 2-ம் நிலை காவலர் தேர்வுக்கும் நாளை (23-ம் தேதி) முதல் மாதிரி தேர்வுகள் நடத்தப்பட உள்ளது.

இந்த இலவச பயிற்சி வகுப்புகள் மற்றும் மாதிரி தேர்வுகளில் கலந்துகொள்ள விருப்பமுடையவர்கள் விருதுநகர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்திற்கு வந்து பயிற்சியில் இணைந்து கொள்ளலாம்.

உங்கள் ஊர் செய்திகளை வீடியோவாக பெற கிளிக் செய்க

விருதுநகர் மாவட்டத்தில் அரசுப் போட்டித் தேர்வுக்கு தயாராகும் தேர்வர்கள் இதனை பயன்படுத்திக் கொள்ள வேண்டும். இவ்வாறு அதில் கூறப்பட்டுள்ளது.
Published by:Arun
First published:

Tags: Local News, Virudhunagar

அடுத்த செய்தி