Home /virudhunagar /

யானைக் கூட்டம் அட்டகாசம்.. மாமரம், தென்னையை உடைத்து சேதம் - விவசாயிகள் வேதனை

யானைக் கூட்டம் அட்டகாசம்.. மாமரம், தென்னையை உடைத்து சேதம் - விவசாயிகள் வேதனை

யானைகள்

யானைகள் அட்டகாசம்! கூட்டமாக வந்து தென்னை மா மரங்களை ஒடித்து நாசம்!

Virudhunagar | விவசாயப் பகுதிக்குள் யானை கூட்டங்கள் புகாதவாறு நடவடிக்கை எடுக்குமாறு விவசாயிகள் வனத்துறையினருக்கு கோரிக்கை வைத்துள்ளனர்.

    விருதுநகர் மாவட்டம் ராஜபாளையம் அருகே உள்ள சேத்தூர் மேற்கு தொடர்ச்சி மலை அடிவாரத்தில் உள்ள தென்னந்தோப்புகளில் காட்டு யானை கூட்டங்கள் மா, தென்னை மரங்களை ஒடித்து நாசப்படுத்தி உள்ளன. விவசாயப் பகுதிக்குள் யானை கூட்டங்கள் புகாதவாறு நடவடிக்கை எடுக்குமாறு வனத்துறையினருக்கு விவசாயிகள் கோரிக்கை விடுத்துள்ளனர்.

    விருதுநகர் மாவட்டம் ராஜபாளையம் அருகே சேத்தூர் மேற்கு பகுதியில் மேற்கு தொடர்ச்சி மலை அடிவாரத்தில் நச்சாடைபேரி கருப்பசாமி கோவில் உள்ளது. அப்பகுதியில் ஏராளமான தென்னை, மா மரங்கள் உள்ளன. இப்பகுதிக்குள் யானைக் கூட்டங்கள் வராதவாறு ஏற்கனவே அகழிகள் தோண்டப்பட்டு பாதுகாக்கப்பட்டு வந்தாலும், தற்போது அகழிகள் பராமரிக்கப்படாத காரணத்தினால் யானை கூட்டங்கள் விவசாய நிலங்களுக்குள் புகுந்து பாதிப்பை ஏற்படுத்தி வருகின்றன. அப்பகுதியில் உள்ள அய்யனார் ராஜா என்பவருக்கு சொந்தமான தென்னந்தோப்பை ஆறுமுகசாமி என்பவர் குத்தகைக்கு எடுத்து உள்ளார்.

    இப்பகுதியில் இதுவரை யானைக் கூட்டங்கள் வரவில்லை. தற்போது முதன்முறையாக நள்ளிரவில் யானை கூட்டங்கள் புகுந்து தென்னை மரங்களையும், மா மரங்களையும் பிடுங்கி சாய்த்து கடுமையான சேதத்தை ஏற்படுத்தியுள்ளன.

    இதுகுறித்து குத்தகைதாரர் ஆறுமுகச்சாமி வனத்துறையினருக்கு தகவல் தெரிவித்துள்ளார். சேதத்தின் மதிப்பு ரூபாய் ஒரு லட்சத்திற்கு மேல் இருக்கும் என மதிப்பிடப்பட்டுள்ளது. அரசு உரிய நிவாரணத் தொகை வழங்குமாறும், யானைக் கூட்டங்களை வேறு இடத்திற்கு விரட்டுமாறு வனத் துறையினருக்கும் அப்பகுதி விவசாயிகள் கோரிக்கை விடுத்துள்ளனர்.

    செய்தியாளர்:அ.மணிகண்டன், விருதுநகர்
    Published by:Ramprasath H
    First published:

    Tags: Elephant, Tamil News, Tamilnadu, Virudhunagar

    அடுத்த செய்தி