Home /virudhunagar /

விருதுநகரில் 23ம் தேதி பயிர்கடன் வழங்கும் முகாம்- விண்ணப்பிக்க எளிய டிப்ஸ்.!

விருதுநகரில் 23ம் தேதி பயிர்கடன் வழங்கும் முகாம்- விண்ணப்பிக்க எளிய டிப்ஸ்.!

மாதிரிப் படம்

மாதிரிப் படம்

Virudhunagar Crop Loan Camp | விருதுநகர் மாவட்ட கூட்டுறவு சங்கங்களில் பயிர்க்கடன் வழங்கும் முகாம் வருகிற 23-ம்தேதி நடக்கிறது. மாவட்டத்தில் உள்ள தொடக்க வேளாண்மை கூட்டுறவு சங்களை அணுகி பெற்றுக் கொள்ளலாம்

  • News18
  • 1 minute read
  • Last Updated :
  • Virudhunagar, India
விருதுநகர் மாவட்ட கூட்டுறவு சங்கங்களில் பயிர்க்கடன் வழங்கும் முகாம் வருகிற 23-ம்தேதி நடக்கிறது. மாவட்டத்தில் உள்ள தொடக்க வேளாண்மை கூட்டுறவு சங்களை அணுகி பெற்றுக் கொள்ளலாம். மேலும், இந்த கடனை பெற ஆவணங்கள் குறித்தும் நாம் அறியலாம்.

விருதுநகர் மாவட்டத்தில் உள்ள அனைத்து தொடக்க வேளாண்மை கூட்டுறவு கடன் சங்கங்கள் மூலமாக வட்டியில்லா பயிர்க்கடன் வழங்கப்பட்டு வருகிறது. நடப்பாண்டில் விருதுநகர் மாவட்டத்திற்கு ரூ.190 கோடி பயிர்க்கடன் வழங்க குறியீடு நிர்ணயிக்கப்பட்டு இதுவரை ரூ.14.40 கோடி கடன் வழங்கப்பட்டுள்ளது.

மாவட்டத்தில் மானாவாரி பகுதியில் விவசாய பணிகள் தொடங்கி உள்ள நிலையில் விவசாயிகள் பயிர்க்கடன் பெற எதுவாக பயிர்க்கடன் வழங்கும் முகாம் வருகிற 23- ம் தேதி அனைத்து தொடக்க வேளாண்மை கூட்டுறவு கடன் சங்கங்களிலும் நடைபெறுகிறது.

Also Read : முன்னோர்கள் சாபம் தீர்க்கும் திருச்சுழி திருமேனி நாதர் கோவில் - வரலாறு தெரியுமா?

கணினி சிட்டா நகல், பயிர் சாகுபடி தொடர்பான கிராம நிர்வாக அலுவலர் அடங்கல் சான்று, மத்திய கூட்டுறவு வங்கி சேமிப்பு கணக்கு எண், ஆதார் அட்டை நகல், எம்மார்ட் கார்டு நகல், பாஸ்போர்ட் அளவு புகைப்படம் ஆகியவற்றுடன் அருகாமையிலுள்ள தொடக்க வேளாண்மை கூட்டுறவு கடன் சங்கங்களை விவசாயிகள் தொடர்பு கொண்டு கடன் மனு அளித்து பயனடையலாம்.

உங்கள் ஊர் செய்திகளை வீடியோவாக பெற கிளிக் செய்க

மேலும், தொடக்க வேளாண்மை கூட்டுறவு கடன் சங்கத்தில் உறுப்பினராக இல்லாத விவசாயிகள் அருகே உள்ள தொடக்க வேளாண்மை கூட்டுறவு கடன் சங்கங்களில் புதிய உறுப்பினராக சேர்ந்து உரிய ஆவணங்களுடன் மனுவை அளித்து கடன் பெற்று பயனடையலாம்.

பயிர்க்கடன் வழங்கலில் ஏதாவது சேவை குறைபாடுகள் இருந்தால் மாவட்ட மத்திய கூட்டுறவு வங்கியின் பொது மேலாளர் (9489927001) கடன் பிரிவு உதவி பொது மேலாளர் (9489327006), கடன் பிரிவு மேலாளர் (9489927177) என்ற கைப்பேசி எண்களில் தொடர்பு கொள்ளலாம். மேற்கண்ட தகவலை விருதுநகர் மண்டல கூட்டுறவு சங்க இணைப்பதிவாளர் செந்தில்குமார் தெரிவித்துள்ளார்.
Published by:Vijay R
First published:

Tags: Local News, Virudhunagar

அடுத்த செய்தி