ஹோம் /விழுப்புரம் /

விழுப்புரத்தில் மின் இணைப்பு எண்ணுடன் ஆதார் எண்ணை இணைக்க சிறப்பு பதிவு மையங்கள்

விழுப்புரத்தில் மின் இணைப்பு எண்ணுடன் ஆதார் எண்ணை இணைக்க சிறப்பு பதிவு மையங்கள்

மின் இணைப்புடன் எண்ணுடன் ஆதார் இணைப்பு

மின் இணைப்புடன் எண்ணுடன் ஆதார் இணைப்பு

Villupuram District | மின் இணைப்பு எண்ணை, ஆதார் எண்ணுடன் இணைப்பது கட்டாயம் என்று அறிவிப்க்கப்பட்டுள்ள நிலையில், விழுப்புரத்தில் இதற்கான சிறப்பு பதிவு மையங்கள் அமைக்கப்பட்டுள்ளன.

  • Local18
  • 1 minute read
  • Last Updated :
  • Viluppuram, India

தமிழகம் முழுவதும் மின் இணைப்பு எண்ணை, ஆதார் எண்ணுடன் இணைப்பதற்கான சிறப்பு முகாம் இன்று முதல் டிசம்பர் 31ஆம் தேதி வரை நடைபெறுகிறது. மத்திய அரசின் வழிகாட்டுதலின் படி தமிழ்நாட்டில் வீடு, கைத்தறி, விசைத்தறி, குடிசை மற்றும் விவசாய நுகர்வோர், தங்களது மின் இணைப்பு எண்ணை, ஆதாருடன் இணைப்பது கட்டாயமாக்கப்பட்டுள்ளது. மேலும், மின் மானியம் பெறுவதற்கு மின் இணைப்புடன் ஆதாரை இணைப்பது அவசியம் என தெரிவிக்கப்பட்டுள்ளது.

அதன்படி, பொதுமக்களுக்கு ஏற்படும் சிரமத்தை போக்கும் வகையில் இன்று (திங்கள்) முதல் டிசம்பர் 31 ஆம் தேதி வரை, மின்கட்டண அலுவலகத்தில் சிறப்பு முகாம்கள் நடத்தப்படுகின்றன.  2,811 மின்வாரிய பிரிவு மையங்களிலும் சிறப்பு கவுன்டர்கள் அமைக்கப்பட்டுள்ளன.

பொதுமக்கள் தங்களது மின் பயனீட்டு அட்டை மற்றும் ஆதார் அட்டையை நேரடியாக கொண்டு சென்று, இணைத்துக் கொள்ளலாம். அரசு விடுமுறைகளை தவிர்த்து அனைத்து ஞாயிற்றுக் கிழமைகளிலும் காலை 10.30 மணி முதல் மாலை 5.15 மணி வரையில் இந்த சிறப்பு முகாம்கள் செயல்படும் என்று தெரிவிக்கப்பட்டுள்ளது.

இந்நிலையில், விழுப்புரம் மின் வினியோக கோட்டத்திற்கு உட்பட்ட அனைத்து மின்வாரிய பிரிவு அலுவலகங்களில் இன்றும் (திங்கட் கிழமை), நாளையும் (செவ்வாய்க் கிழமை), நாளை மறுநாள்(புதன் கிழமை) ஆகிய 3 நாட்களில் நுகர்வோர் மின் இணைப்புகளுடன் ஆதார் எண்ணை இணைக்க சிறப்பு ஆதார் பதிவு மையங்கள் ஏற்படுத்தப்பட்டுள்ளது.

Must Read : நகைச்சுவை நடிகர் செந்தில் பிறந்த ஊர் இதுதானா..! - எந்த மாவட்டத்தில் இருக்கிறது தெரியுமா?

மின் இணைப்பு உரிமையாளர்கள், குடியிருந்து வரும் வாடகைதாரர்கள், ஆதார் அட்டையுடன் அந்தந்த மின் கட்டணம் செலுத்தும் பிரிவு அலுவலகத்தில் காண்பித்து ஆதார் எண்ணை இணைத்துக் கொள்ளலாம். மேலும், நுகர்வோர்கள் ஆன்லைன் மூலம் www.tangedco.gov.in என்ற இணையதளம் வழியாகவும் ஆதார் எண்ணை மின் இணைப்பு எண்ணுடன் இணைத்துக்கொள்ளலாம்.

உங்கள் ஊர் செய்திகளை வீடியோவாக பெற கிளிக் செய்க

இந்த அரிய வாய்ப்பை நுகர்வோர்கள் பயன்படுத்திக் கொள்ளுமாறு கேட்டுக் கொள்ளப்படுவதாக விழுப்புரம் மின்வாரிய செயற்பொறியாளர் சைமன் சார்லஸ் தெரிவித்துள்ளார்.

First published:

Tags: Aadhaar card, EB Bill, Local News, TNEB, Villupuram