Home /viluppuram /

கழிவறையை சுத்தம் செய்த மாவட்ட ஆட்சியர்.!

கழிவறையை சுத்தம் செய்த மாவட்ட ஆட்சியர்.!

District

District Collector Mohan, who entered and cleaned the school toilet

சுத்தம் செய்யும் பணியை முன்னிட்டுவிழுப்புரம் நகர பகுதியான  மருத்துவமனை வீதியிலுள்ள நகராட்சி உயர்நிலைப்பள்ளியில் ஆட்சியர் மோகன், கழிவறைக்குள் உள்ள  கை அலம்பும் இடத்தை தன் கையை சுத்தம் செய்தார் 

    பள்ளி கழிவறைக்குள் நுழைந்து சுத்தம் செய்த, மாவட்ட ஆட்சியர் மோகன்

    தமிழகத்தில் பள்ளிகள் கோடை விடுமுறைக்கு பின் நாளை மறுநாள் திறக்கப்படுவதை முன்னிட்டு விழுப்புரத்தில் பள்ளி வகுப்பறைகள், வளாகம் சுத்தம் செய்யும் பணியை ஆட்சியர் மோகன் ஆய்வு செய்து கழிவறையிலுள்ள கை அலம்பும் இடத்தினை ஆட்சியர் மோகன் சுத்தம் செய்தது அனைவரிடத்திலும் நெகிழ்ச்சியை ஏற்படுத்தியுள்ளது.

    தமிழகத்தல் கோடை விடுமுறை முடிந்து பள்ளிகள் ஜீன் 13 ஆம் தேதி திறக்கப்படுவதை முன்னிட்டு பள்ளி வகுப்பறைகள் சுத்தம் செய்யும் பணிகள் நடைபெற்று வருகின்றன.

    இந்நிலையில் விழுப்புரம் மாவட்டத்தில் நம் குப்பை நம் பொறுப்பு என்ற திட்டத்தின் கீழ் அனைத்து பள்ளிகளின் வளாகத்தில் உள்ள குப்பைகள் மற்றும் இலை சருகுகள் ஆகியவற்றை அப்புறப்படுத்தி சுத்தமாக வைத்திருத்தல், வகுப்பறைகள், கழிவறைகள், குடிநீர் தேக்க தொட்டி மற்றும் மின் இணைப்புகள் ஆகியவற்றை பள்ளிகளில் பணிபுரியும் தூய்மைப் பணியாளர்கள், நகராட்சி, பேரூராட்சி மற்றும் வட்டார வளர்ச்சி அலுவலர்களால் நியமிக்கப்பட்டுள்ள கிராம தூய்மைப்பணியாளர்கள், நூறு நாள் வேலைத்திட்ட பணியாளர்கள் மற்றும் தன்னார்வலர்களை கொண்டு மாவட்டம் முழுவதும் செயல்பட்டு அனைத்து பள்ளிகளிலும் தூய்மைப்பணிகளை இன்றும் நாளையும் மேற்கொள்கின்றனர்.

    சுத்தம் செய்யும் பணியை முன்னிட்டுவிழுப்புரம் நகர பகுதியான மருத்துவமனை வீதியிலுள்ள நகராட்சி உயர்நிலைப்பள்ளியில் ஆட்சியர் மோகன் சட்டமன்ற உறுப்பினர் லட்சுமணன் ஆகியோர் ஆய்வு செய்தனர்.

    அப்போது பள்ளியை சுத்தம் செய்த பணியாளர்கள் சரிவர கழிவறையை சுத்தம் செய்யாததால் பணியாளர் மீது கோபமடைந்த ஆட்சியர் மோகன் கடமைக்கென்று சுத்தம் செய்யும் பணியை மேற்கொள்ள வேண்டாம் என கூறி கழிவறையில் உள்ள கை அலம்பும் இடத்தினை தனது கையால் ஆட்சியர் மோகன் சுத்தம் செய்தார்.

    அதன் பிறகு அனைத்து பள்ளி கழிவறைகள் வகுப்பறைகளை தனது வீட்டினை போன்று சுத்தம் செய்து பாதுகாக்க வேண்டும் எனவும் ஆசிரியர்கள் இதனை கன்காணிக்க வேண்டுமென அறிவுறுத்தினார்.

    விழுப்புரம் மாவட்டத்திலுள்ள 1806 பள்ளிகள் சுத்தம் செய்யப்பட்டு முதற்கட்டமாக பத்தாம் வகுப்பு வரை பள்ளிகள் திறக்கப்படுவதால் அரசு பள்ளிகளில் மாணவர்கள் சேர்க்கையும் அதிகரிப்பதால் கூடுதல் ஆசிரியர்கள் பள்ளிகளில் அமர்த்தவும் நடவடிக்கை எடுக்கபட்டுள்ளதாக ஆட்சியர் மோகன் கூறியுள்ளார்.

    செய்தியாளர் : சு. பூஜா - விழுப்புரம்
    Published by:Esakki Raja
    First published:

    Tags: Villupuram

    அடுத்த செய்தி