Kallakurichi Fire Accident | கள்ளக்குறிச்சி மாவட்டம் சங்கராபுரம் பகுதியில் முருகன் என்பவருக்கு சொந்தமான பட்டாசு கடை செயல்பட்டு வருகிறது. இன்று மாலை 7 மணி அளவில் கடையில் திடீரென தீ விபத்து ஏற்பட்டது. அப்போது கடையில் இருந்த பட்டாசுகள் பயங்கர சத்தத்துடன் நாலா புறமும் வெடித்து சிதறின. இதில் கடையில் இருந்த ஊழியர்கள் மற்றும் சாலையில் சென்றவர்கள் உட்பட 5 பேர் உடல் கருகி உயிரிழந்தனர். காயமடைந்த 25 பேர் கள்ளக்குறிச்சி அரசு மருத்துவமனையில் அனுமதிக்கப்பட்டனர். பட்டாசு கடையில் ஏற்பட்ட தீ, அருகில் உள்ள பேக்கரிக்கும் பரவியதால் அங்கிருந்த 2 சிலிண்டர்கள் வெடித்து சிதறின. தகவலறிந்து 5 தீயணைப்பு வாகனங்களில் வந்த தீயணைப்புத்துறையினர் தீயை அணைத்து வருகின்றனர். விபத்து காரணமாக சங்கராபுரம்- திருவண்ணாமலை சாலையில் போக்குவரத்து மாற்றம் செய்யப்பட்டுள்ளது.