திருச்சியில் 4,000 பேர் காச நோயால் பாதிப்பு- மருத்துவப் பணிகள் துணை இயக்குநர் தகவல்

மாதிரிப் படம்

திருச்சி மாவட்டத்தில் 4000 பேர் காச நோயால் பாதிக்கப்பட்டுள்ளது கண்டறியப்பட்டுள்ளது என மாவட்ட மருத்துவ பணிகள் துணை இயக்குநர் சாவித்திரி தெரிவித்துள்ளார்.

News18 Tamil
Last Updated : August 02, 2022, 00:24 IST

கொரோனா தடுப்பூசி குறித்த விழிப்புணா்வு நிகழ்ச்சி மத்திய அரசின் மக்கள் தொடா்பு அலுவலகம் சாா்பில், மணிகண்டம் ஒன்றியம் நவலூா் குட்டப்பட்டு கிராமத்தில், தூய்மை இந்தியா இயக்கத்தின் கீழ் நடந்தது.

இந்த நிகழ்ச்சிக்கு நவலூா் குட்டப்பட்டு ஊராட்சித் தலைவா் ஜாா்ஜ் பொ்னாண்டஸ் தலைமை வகித்தாா். துணைத் தலைவா் எஸ்.கலையரசன் முன்னிலை வகித்தாா்.

இனாம்குளத்தூா் அரசு ஆரம்ப சுகாதார நிலைய மருத்துவ அலுவலா் அனுசுயா, வட்டார வளா்ச்சி அலுவலா் ஸ்ரீதா், கிரியா சில்ட்ரன் அகாடெமி மேல்நிலைப் பள்ளித் தாளாளா் கிரியா சில்ட்ரன், ஊராட்சி ஒன்றியக் குழு உறுப்பினா்கள் டெல்பின் ஜெனிட்டா மேரி ,
சுபாஷினி, தூய்மை பாரத இயக்க வட்டார ஒருங்கிணைப்பாளா் சசிகுமாா், ஊராட்சி செயலா் பாலச்சந்திரன் உள்ளிட்ட பலா் நிகழ்வில் பங்கேற்றனா்.

இந்த நிகழ்ச்சியில் பேசிய மருத்துவப் பணிகள் துணை இயக்குநா் சாவித்திரி, ’திருச்சி மாவட்டத்தில் மருத்துவப் பரிசோதனைகளின் அடிப்படையில் 4,000 பேருக்கு காசநோய் கண்டறியப்பட்டுள்ளது.

கிராமப் புறங்களில் நேரடியாக காசநோயைக் கண்டறியும் பணி தீவிரமாக நடைபெற்று வருகிறது. இதற்கான டிஜிட்டல் நடமாடும் வாகனம் கிராமப்பகுதிகளுக்குச் சென்று செயல்பட்டு வருகிறது. காசநோய் அறிகுறிகள் இருந்தால் உடனடியாக பரிசோதனை
செய்து கொள்ள வேண்டும். நோய் கண்டறியப்பட்டால் உரிய சிகிச்சைகளை பெற வேண்டும்’ என்றார்.

உங்கள் நகரத்திலிருந்து(திருச்சி)

திருச்சி

Published by:Karthick S

First published: August 02, 2022, 00:24 IST

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.

Tags: Local News, Trichy