உங்களால் முடியுமா? இந்த கணக்கு புதிருக்கு விடை சொல்லுங்க.!

வங்கி தேர்வுகள், போட்டித்தேர்வுகள், ரயில்வே தேர்வுகளுக்கு தயாராகும் மக்களுக்கு ஏற்றதாக கணக்கு புதிர்களை பார்த்து வருகிறோம். புதிதாக தேர்வுகளுக்கு தயாராகும் நபர்களுக்கும் சாதாரணமாக கணக்கு புதிர்களை போட முயற்சிக்கும் நபர்களுக்கும் ஏற்ற வண்ணம் கணக்குகளை தந்து வருகிறோம்.

இதற்கு முன்னர் ஓடையின் செல்லும் படகு, ரயில்கள்  என்று பார்த்து வந்தோம். அதில் இருந்து மாறுபட்டு புதிய வகை கணக்கை இன்று பார்க்க இருக்கிறோம். ஆனால் எளிமையாக தினசரி நாம் பயன்படுத்தும் கான்செப்ட் வைத்து தான் இந்த கணக்குகள் அமைய இருக்கிறது. சரி கணக்கிற்கு போவோமா?

ஒரு வியாபாரி ஒரு ரூபாய்க்கு 6 மிட்டாய் வாங்கினார். 20% லாபம் பெற ஒரு ரூபாய்க்கு எத்தனை மிட்டாய்களை அவர் விற்க வேண்டும்?

பள்ளி பருவத்தில் கற்றுக்கொண்ட லாப-நட்ட கணக்கு தான் . அது மட்டும் இல்லாமல் நாம் தினசரி கடந்து செல்லும் கணக்கு தான் இது. கொஞ்சம் நித்தமானமாக யோசித்தால் இந்த கணக்கை நிச்சயம் எளிதாக போட்டு விடலாம். முயற்சி செய்து பாருங்க.

கணக்கின் லாஜிக் உங்களுக்கு புரிந்திருக்கும் , நீங்க முயற்சி செய்து 1 விடையையும் கண்டுபிடித்திருப்பீர்கள் என்று நம்புகிறோம். அதை சரியா என்று சரிபார்க்கும் நேரமிது.. பார்த்துவிடலாமா ...?

ஒரு வியாபாரி ஒரு ரூபாய்க்கு 6 மிட்டாய்கள் வாங்குகிறார். அந்த 6 முட்டைகளையும் விற்கும் போது அவருக்கு 20% லாபம் கிடைக்க வேண்டும். அப்படியான விலைக்கு விற்றால், 1 ரூபாய்க்கு எத்தனை மிட்டாய்கள் விற்கலாம் என்பது தான் கணக்கு.

இதை எளிமையான கணக்கு வடிவத்திற்கு கொண்டு வருவோம்.

6 மிட்டாய்களின் விலை = ரூ. 1

6 மிட்டாய்களின் விற்பனை விலை = ரூபாய். 1 இன் 120%

= 120 *1 /100

= 6 / 5

எனில், ரூ. 6 / 5 க்கு 6 மிட்டாய்கள் விற்கப்பட்டு இருக்கும்.

இப்போது 1 ரூபாய்க்கு எத்தனை மிட்டாய்கள் விற்கப்பட்டது என்பதைக் கடுபிடிக்க வேண்டும் . அது தானே கேள்வி..

இதையும் முயற்சி பண்ணுங்க : இதுக்கு பதில் சொல்லுங்க.. கணக்கு புதிர் இதுதான்.. ரயிலின் நீளம் என்ன?

6 மிட்டாய்கள் 6/5 ரூபாய்க்கு என்றால் 5/5 = 1 ரூபாய்க்கு ?

ஒரு ரூபாய்க்கு = 6 * 5 / 6 = 5 மிட்டாய்கள்

20% லாபத்துடன், 120 % விலைக்கு மிட்டாய்களை விற்றால், 1 ரூபாய்க்கு 5 மிட்டாய்களை விற்பார் அந்த கடைக்காரர் என்பது தான் சரியான விடை. உங்களுக்கும் இதே விடை வந்திருக்கும் என்று நம்புகிறோம். இந்த விடை வரவியில்லை என்றாலும் இப்போது மீண்டும் முயற்சி செய்து பாருங்க.விடா முயற்சி விஸ்வரூப வெற்றி...