இணையத்தை குழப்பிய படகு கேள்வி.. கணக்கு புலியா நீங்க? அப்போ இதற்கு பதில் சொல்லுங்க.!

மக்கள் தங்கள் சிந்தனை திறனை மேம்படுத்திக்கொள்ள நிறைய வழிகள் உள்ளன. அதில் ஒரு வழி தான் புதிர்களை அவிழ்ப்பது. புதிர்களில் படப் புதிர், வார்த்தை விளையாட்டுகள், கணித புதிர்கள் என்று பல வகைகள் உண்டு. இதில் உள்ள அனைத்து புதிர்களுக்கும் உள்ள ஒரு பொதுவான விஷயம் லாஜிக். எந்த கஷ்டமான புதிராக இருந்தாலும் அதன் அடிப்படையில் ஒரே ஒரு லாஜிக் தான் ஒளிந்திருக்கும்.

அந்த லாஜிக்கை வைத்து புனையப்பட்டு தான் புதிர்கள் உருவாக்கப்படுகின்றன. அந்த லாஜிக் என்னவென்று சிந்திக்கும் போது ஒரே நோக்கில் சிந்திக்காமல் பல்வேறு முறைகளில் சிந்திக்க பழகுவோம். அதுதான் பரந்துபட்ட சிந்தனையை வளர்க்கும் வழியாக இருக்கும். ஒரு பிரச்னை என்று எடுத்துக்கொண்டால், அதற்கு நிறைய தீர்வுகள் இருக்கும். அதை யோசிக்க பழக இந்த கணக்குகள் ஒரு பயிற்சியாக இருக்கும். உங்களுக்காக கணக்கு இதோ..

இதுதான் கேள்வி:

மலையில் இருந்து கீழ்நோக்கி ஓடும் படகு 16 கிமீ தூரத்தை 2 மணி நேரத்தில் கடக்கிறது.அதே தூரத்தை மேல்நோக்கி கடக்க 4 மணி நேரம் ஆகும் எனில், நிலையான நீரில் படகின் வேகம் என்ன?

ஓடை- படகு கணக்குகளை தான் இந்த வாரம் முழுவதும் பார்த்துவருகிறோம். எளிமையான கணக்கில் இருந்து கடினமான கணக்கு வரை படிப்படியாக சென்று கொண்டு இருக்கிறோம். அதே வரிசையில் தான் இந்த கணக்கையும் போட இருக்கிறோம்.

ஓடையின் அதே திசையிலும், எதிர்திசையிலும் ஓடும் படகின் பயண நேரம் கொடுக்கப்பட்டுள்ளது. பயண தூரம் கொடுக்கப்பட்டுள்ளது. நேரமும் தூரமும் இருந்தால் வேகத்தை கண்டுபிடித்து விடலாம் தானே? அதை வைத்து கீழிறங்கும் வேகம், ஓடையை எதிர்த்து மேலேறும் தூரத்தை கண்டுபிடித்து விட்டால் நிலையான ஓடை நீரில் படகின் வேகத்தை கண்டுபிடிக்கும் சூத்திரம் நமக்கு தெரியும் தானே? முயற்சி செய்து பாருங்கள்.

விடையை கண்டுபிடித்திருப்பீர்கள் என்று நம்புகிறோம். அப்படி இல்லை என்றாலும் பரவாயில்லை இப்போது விடையை தெரிந்து கொள்ளலாம். அதன் பின் இதே மாதிரியான வேறு கணக்கை போட்டு அதை தீர்த்து பார்க்கலாம்

மலையில் கீழ்நோக்கி பாயும் தூரம் =16 கிமீ,

பயண காலம் = 2 மணி நேரம் என்று கொடுத்துள்ளனர்.

அது வைத்து வேகத்தின் சூத்திரத்தில் உள்ளிடுவோம்.

கீழ்நோக்கி வந்த படகின் வேகம் = தூரம் / நேரம் = 16 / 2 = 8 கிமீ/மணி

அதே போல மேல்நோக்கி ஓடையின் ஓட்டத்திற்கு எதிராக சென்ற படகின் வேகத்தையும் கண்டுபிடிப்போம்.

மேல்நோக்கி செல்லும் தூரம் = 16 கிமீ.

பயண காலம் = 4 மணிநேரம் என்று கொடுத்துள்ளனர்.

அது வைத்து வேகத்தின் சூத்திரத்தில் உள்ளிடுவோம்.

மேல்நோக்கி செல்லும் படகின் வேகம் = 16 / 4 = 4 கிமீ /மணி

கீழ்நோக்கி செல்லும் படகின் வேகமும் , மேல்நோக்கி செல்லும் படகின் வேகமும் நமக்கு இப்போது தெரியும் . இதை வைத்து, நிலையான நீரில் செல்லும் படகின் வேகத்தை கண்டுபிடிக்கத் தெரியும்.

இதையும் பாருங்க : ஓடையில் கீழும்-மேலும் போகும் நேரத்தை வைத்து படகின் வேகத்தை கணக்கிட முடியுமா?

நிலையான நீரின் வேகம் =1/2 (கீழ்நோக்கி செல்லும் படகின் வேகம் + மேல்நோக்கி செல்லும் படகின் வேகமும் )

= 1/2(8+4)

=1/2 (12)

=6 கிமீ / மணி

6 கிமீ / மணி என்பது தான் சரியான விடை. உங்களுக்கும் இதே விடை தான் வந்திருக்கும் என்று நம்புகிறோம். இல்லை என்றாலும் இப்போது மீண்டும் முயற்சி செய்து பாருங்க. முயற்சி திருவினையாக்கும். வேறு புதிய எண்களை வைத்து நீங்களே ஒரு கணக்கை உருவாக்கி போட்டு பாருங்க.