Logical reasoning | வாய்க்காலில் எதிர் நீச்சல் போடும் மனிதனின் வேகம் என்னவென்று கண்டுபிடிங்க பார்ப்போம்!

மக்கள் தங்கள் சிந்தனை திறனை மேம்படுத்திக்கொள்ள நிறைய வழிகள் உள்ளன. அதில் ஒரு வழி தான் புதிர்களை அவிழ்ப்பது. புதிர்களில் படப் புதிர், வார்த்தை விளையாட்டுகள், கணித புதிர்கள் என்று பல வகைகள் உண்டு. இதில் உள்ள அனைத்து புதிர்களுக்கும் உள்ள ஒரு பொதுவான விஷயம் லாஜிக். எந்த கஷ்டமான புதிராக இருந்தாலும் அதன் அடிப்படியில் ஒரே ஒரு லாஜிக் தான் ஒளிந்திருக்கும்.

அந்த லாஜிக் வைத்து புனையப்பட்டு தான் புதிர்கள் உருவாக்கப்படுகிறது. அந்த லாஜிக் என்னவென்று சிந்திக்கும் போது ஒரே நோக்கில் சிந்திக்காமல் பல்வேறு முறைகளில் சிந்திக்க பழகுவோம். அது தான் பரந்துபட்ட சிந்தனையை வளர்க்கும் வழியாக இருக்கும்.  ஒரு பிரச்சனை என்று எடுத்துக்கொண்டால், அதற்கு நிறைய தீர்வுகள் இருக்கும். அதை யோசிக்க பழக இந்த கணக்குகள் ஒரு  பயிற்சியாக இருக்கும். உங்களுக்காக கணக்கு இதோ..

ஒரு மனிதர் ஓடும் ஒரு வாய்க்காலில் நீச்சல் அடிக்கிறார் . நீர் ஓடும் அதே திசையில் நீந்தும்  ஒரு மனிதனின் வேகம் மணிக்கு 15 கிமீ என்று இருக்கிறது. அதே நேரம் நீரோட்டத்தின் வேகம், மணிக்கு 2.5 கிமீ  என்றால் வாய்க்கால் நீரோட்டத்திற்கு எதிராக அவர் எதிர்நீச்சல் அடித்தால் அவரது வேகம் என்னவாக இருக்கும் ?

பார்ப்பதற்கு கடினமான கணக்கு போல தோன்றலாம். ஆனால் எளிமையான ஒன்றைத் தான் கொடுத்துள்ளோம். இதுவும் ஓடை- படகு கணக்கை போலத்தான். அதே அடிப்படையில் படகுக்கு பதிலாக மனிதனின் வேகத்தை கண்டுபிடிக்க வேண்டும்.கொஞ்சம் கேள்வியை கவனமாக படித்தாலே விடையை போட்டுவிடலாம்.

கேள்வியை பகுதி பகுதியாக நிறுத்தி நிதானமாக படித்துப் பாருங்க. விடை கிடைத்துவிடும். வாய்க்காலின் வேகம், தனி மனிதனின் வேகம் என்று தனி தனியாக யோசிக்க முயற்சி செய்யுங்கள். நிச்சயம் விடை கிடைத்துவிடும்.

விடையை கண்டுபிடித்திருப்பீர்கள் என்று நம்புகிறோம். அப்படி இல்லை என்றாலும் பரவாயில்லை இப்போது விடையை தெரிந்து கொள்ளலாம். அதன் பின் இதே மாதிரியான வேறு கணக்கை  போட்டு அதை தீர்த்து பார்க்கலாம்.

வாய்க்காலில் தண்ணீர் ஓடும் அதே திசையில் நீந்தும் மனிதரின் வேகம்  = 15 கிமீ/மணி என்று கொடுக்கப்பட்டுள்ளது.

அதேநேரம் நீரோட்டத்தின் வேகம் = 2.5 கிமீ/மணி

சின்ஹா தரவுகளை வைத்து  நீச்சல் அடிப்பவரின் வேகத்தை கண்டுபிடிக்கலாம் அல்லவா? வாய்க்காலோடு நீந்தும் வேகத்தில் இருந்து நீரோட்டத்தின் வேகத்தை கழித்தால் அந்த நபரின் நீச்சல் வேகம் கிடைக்கும் அல்லவா?

அந்த நபரின் நீச்சல் வேகம் = (15 - 2.5) கிமீ/மணி = 12.5 கிமீ/மணி

இப்போது எதிர்நீச்சல் அடிக்கும் போது அவரது வேகத்தை கண்டுபிடிக்கவேண்டும்.

நிலையான தண்ணீரில்  12.5 கிமீ/மணி வேகத்தில் நீச்சல் அடிக்கும் நபர், எதிர்நீச்சல் அடிக்கும் போது வாய்க்காலின் வேகத்தை எதிர்த்து போவேண்டும். எனில் வாய்க்கால் வேகத்தில் இருந்து அவரது வேகத்தை கழிக்க வேண்டும்.

எதிர்நீச்சல் அடிக்கும்  மனிதனின் வேகம் = (12.5 - 2.5) கிமீ/மணி = 10 கிமீ/மணி

எனில் வாய்க்காலில் எதிர்நீச்சல் போடும் மனிதரின் வேகம் 10கிமீ/மணி  ஆக இருக்கும் என்பதே சரி. உங்களுக்கும் இதே விடை தான் வந்திருக்கும் என்று நம்புகிறோம். இல்லை என்றாலும் இப்போது மீண்டும் முயற்சி செய்து பாருங்க. முயற்சி திருவினையாக்கும். வேறு புதிய எண்களை வைத்து நீங்களே ஒரு கணக்கை உருவாக்கி போட்டு பாருங்க.