Math Riddle| கணக்கின் அடிப்படை பாடத்தை வைத்து இந்த புதிரின் விடையைக் கண்டுபிடிங்க பார்ப்போம்!

பொழுதுபோக்காக செய்யும் சில செயல்கள் நம்மை மேம்படுத்திக்கொள்ள உதவியாக இருக்கும் அதில் ஒரு வழி தான் புதிர்களை அவிழ்ப்பது. புதிர்களில் படப் புதிர், வார்த்தை விளையாட்டுகள், கணித புதிர்கள் என்று பல வகைகள் உண்டு. இதில் உள்ள அனைத்து புதிர்களுக்கும் உள்ள ஒரு பொதுவான விஷயம் லாஜிக். இந்த லாஜிக் கண்டுபிடிக்க யோசிக்கும்போது நமது மூளை  பல கோணங்களில் செயல்படத் தொடங்கும்.

நம் வாழ்க்கையில்  ஒரு பிரச்சனை என்று எடுத்துக்கொண்டால், அதற்கு நிறைய தீர்வுக்கான வழிகள் இருக்கும். அதில் எதை தேர்வு செய்தால் பெரும்பாலானவர்களுக்கு பிரச்சனை அல்லது மனக்கஷ்டம் இல்லாமல் இருக்கும் என்று சிந்தித்து செயல்படுத்த வேண்டி இருக்கும். அதை யோசிக்க பழக இந்த புதிர்கள் ஒரு  பயிற்சி களமாக  இருக்கும். உங்களுக்காக இன்று ஒரு லாஜிக் புதிர் கொண்டுவந்துள்ளோம் 

4, 6,8,9,10,12, _.

இந்த கணக்கு புதிரே ஒரே ஒரு வரிதான். இந்த எண் வரிசை என்ன அடிப்படையில் வந்துள்ளது என்பதைக் கண்டுபிடித்து அடுத்து வரும் எண்ணைக் கண்டுபிடிக்க வேண்டும். அவ்வளவு தான் கணக்கு. கேட்க எளிமையாகத் தான் இருக்கிறது ஆனால் எப்படி வந்துள்ளது என்று கண்டுபிடிக்க வேண்டுமே என்று நீங்கள் புலம்புவது புரிகிறது.ஆனால் புதிர் என்றால் அப்படி தானே இருக்கும். நேரடியாக கேட்டுவிட்டால் அதில் என்ன சுவாரசியம் இருக்க போகிறது. வேண்டுமென்றால் உங்களுக்கு ஒரு க்ளூ(clue) தருகிறோம். நீங்கள் கணக்கில் முதன் முதலில் படம் அநேகமாக இதை வைத்து தான் இருக்கும். எண்வரிசை என்ற பாடத்தை பள்ளி புத்தகத்தில் பார்த்த நினைவு இருக்கும் அல்லவா? 

அந்த படத்தின் முதல் இரண்டு பக்கங்களில் வரும் ஒரு தலைப்பிலேயே இந்த வரிசை ஏற்பட்டதற்கான காரணம் கிடைத்துவிடும். நிதானமாக யோசியுங்கள். உங்கள் குழந்தைகள், தங்கை, தம்பி புத்தகங்களைக்கூட வாங்கி புரட்டி பாருங்கள். விடை கிடைக்க வாய்ப்புண்டு.

என்ன தேடி முடித்துவிடீர்களா? விடை கிடைத்து விட்டதா? குறைந்தபட்சம் லாஜிக்கை கண்டு பிடித்திருந்தால் கூட போதுமானது. சரி இப்பொது நாங்களே அந்த எண் வரிசைக்கான லாஜிக்கை கூறுகிறோம். எண்வரிசை என்ற பாடத்தில் பகுபடும் எண் மற்றும் பகா எண்களை பற்றி படித்த நினைவு வருகிறதா?

ஒரு எண்ணை 2 அல்லது அதற்கு மேற்பட்ட எண்களாக வகுக்க முடிந்தால் அதும் பகுபடும் எண் என்று அழைக்கப்படுகிறது. அதாவது composite numbers. அதே ஒரு எண் 1 அல்லது அதே எண்ணால்  மட்டுமே வகுக்க முடித்தால் அது பகா எண் அல்லது prime numbers என்று அழைக்கப்படும். 

இதையும் முயற்சி செய்து பாருங்க : Math riddle| இந்த எழுத்து - கணித புதிரின் விடை கண்டுபிடித்து சொல்லுங்க பார்ப்போம்!

2,3,5,7,11 போன்ற எண்கள் பகா எண்களாகும். அதை தவிர்த்து உள்ள மற்ற பகும் எண்களை தான் புதிராக கொடுத்துள்ளோம். இப்போது மீண்டும் அந்த எண்களை கவனித்து பாருங்கள் லாஜிக் விளங்கிவிடும்.   4, 6,8,9,10,12, _.என்ற வரிசையில் அடுத்து வரும் எண் என்னவென்று தெரிந்துவிட்டதா?

சாதாரண எண் வரிசையில் 12 க்கு அடுத்து வரும் 13 ஒரு பகா எண் . எனில் அது வராது. அடுத்த எண் , 14 இது 2,7 என்று பகுபடும். எனவே 14 என்பது தான் சரியான விடை. கணக்கில் புதிர் என்றதும் அதிகம் யோசிப்போம். ஆனால் புதிருக்கான உண்மையான விடை அடிப்படையில் இருக்கும். புதிர்கள் எல்லாம் போட போட வந்துவிடும். விடா முயற்சி விஸ்வரூப வெற்றி. நாளை மற்றொரு கணக்கோடு சந்திப்போம் மக்களே…