Math riddle| அரசு பணித் தேர்வுக்கு தயாராகும் நபர்களுக்கு ஏற்ற கணக்கு புதிர் இதோ!

பொழுதுபோக்காக செய்யும் சில செயல்கள் நம்மை மேம்படுத்திக்கொள்ள உதவியாக இருக்கும் அதில் ஒரு வழி தான் புதிர்களை அவிழ்ப்பது. புதிர்களில் படப் புதிர், வார்த்தை விளையாட்டுகள், கணித புதிர்கள் என்று பல வகைகள் உண்டு. இதில் உள்ள அனைத்து புதிர்களுக்கும் உள்ள ஒரு பொதுவான விஷயம் லாஜிக். இந்த லாஜிக் கண்டுபிடிக்க யோசிக்கும்போது நமது மூளை  பல கோணங்களில் செயல்படத் தொடங்கும்.

நம் வாழ்க்கையில்  ஒரு பிரச்சனை என்று எடுத்துக்கொண்டால், அதற்கு நிறைய தீர்வுக்கான வழிகள் இருக்கும். அதில் எதை தேர்வு செய்தால் பெரும்பாலானவர்களுக்கு பிரச்சனை அல்லது மனக்கஷ்டம் இல்லாமல் இருக்கும் என்று சிந்தித்து செயல்படுத்த வேண்டி இருக்கும். அதை யோசிக்க பழக இந்த புதிர்கள் ஒரு  பயிற்சி களமாக  இருக்கும். உங்களுக்காக இன்று ஒரு லாஜிக் புதிர் கொண்டுவந்துள்ளோம் 

3, 7, 23, 95, ?

கணக்கு ஒருவரித்தான். வரிசையாக கொடுக்கப்பட்டுள்ள எண்களுக்கு இடையே உள்ள லாஜிக் என்று கண்டுபிடித்து இந்த எண் வரிசையில் அடுத்து வரப்போகும் என்னை கண்டுபிடிக்க வேண்டும். எளிதான புதிராகத் தானே இருக்கிறது.

இந்த போட்டித்தேர்வுகள் எழுத நினைக்கும் அல்லது எழுதும் மக்களுக்கு இது போன்ற கணக்குகள் லாஜிக் ரீசனிங் பிரிவில் கொடுக்கப்படும். எனவே நீங்களும் போட்டி தேர்வுகள் எழுத நினைத்தால் இது ஒரு சிறிய பயிற்சியாக இருக்கும். குழந்தைகளுக்கும் இதை கொடுத்து விடை கண்டுபிடிக்க சொல்லுங்கள். 

உங்களுக்கு இந்நேரம் விடை கிடைத்திருக்கும் என்று நம்புகிறோம். அப்படி கிடைக்கவில்லை என்றாலும் பரவாயில்லை. லாஜிக்கை தெரிந்துகொண்டு மீண்டும் முயற்சி செய்து பாருங்க. இந்த எழுத்து வரிசையில் லாஜிக் முதல் எழுத்தை  இரண்டால் பெருக்கி ஒன்றைக் கூட்ட வேண்டும். அடுத்த எண்ணை மூன்றால் பெருக்கி இரண்டால் கூட்ட வேண்டும். இப்படியே தொடர வேண்டும். 

எண் தொடரில் முதலில் கொடுத்திருப்பது 3 என்ற எண். அதை இரண்டால் பெருக்கவேண்டும், 

3*2 = 6

கிடைக்கும் விடையை ஒன்றால் கூட்ட வேண்டும். 

6+1 = 7 

எண் வரிசையின் இரண்டாவது எண் கிடைத்துவிட்டதா? இதே போல அடுத்த எண்களை கணக்கிட வேண்டும்.

மூன்றாவது எண்ணைக் கண்டுபிடிக்க, இரண்டாவது எண்ணை  மூன்றால் பெருக்கி இரண்டால் கூட்ட வேண்டும்.

(7 *3)+2 = 21 + 2 = 23

மூன்றாவது எண் கிடைத்துவிட்டது. நான்காவது எண்ணைக் கண்டுபிடிக்க மூன்றாவது எண்ணை நான்கால் பெருக்கி மூன்றால் கூட்ட வேண்டும்.

(23*4) + 3 = 92 + 3 = 95

இதையும் முயற்சி செய்து பாருங்க: Math riddle| போட்டித்தேர்வுக்கு தயாராகும் நபர்களுக்கு சவால்விடும் கணக்கு புதிர்!

நான்காவது எண்ணும் கிடைத்துவிட்டது அடுத்த எண்ணைக் கண்டுபிடிக்க 95 ஐ ஐந்தால் பெருக்கி நான்கால் கூட்ட வேண்டும்.

95*5 = 475 

இதை நான்கால் கூட்டும்போது, 

475 + 4 = 479 

479 என்பது தான் சரியான விடை. உங்களுக்கும் அதே விடை தான் கிடைத்திருக்கும் என்று நம்புகிறோம். புதிர்கள் எல்லாம் போட போட வந்துவிடும். விடா முயற்சி விஸ்வரூப வெற்றி. நாளை மற்றொரு கணக்கோடு சந்திப்போம் மக்களே…