Math riddle| இந்த எழுத்து - கணித புதிரின் லாஜிக் கண்டுபிடித்து விடை சொல்லுங்க பார்ப்போம்!

மக்கள் தங்கள் சிந்தனை திறனை மேம்படுத்திக்கொள்ள நிறைய வழிகள் உள்ளன . அதில் ஒரு வழி தான் புதிர்களை அவிழ்ப்பது. புதிர்களில் படப் புதிர், வார்த்தை விளையாட்டுகள், கணித புதிர்கள் என்று பல வகைகள் உண்டு. இதில் உள்ள அனைத்து புதிர்களுக்கும் உள்ள ஒரு பொதுவான விஷயம் லாஜிக். எந்த கஷ்டமான புதிராக இருந்தாலும் அதன் அடிப்படியில் ஒரே ஒரு லாஜிக் தான் ஒளிந்திருக்கும்.

அந்த லாஜிக் வைத்து புனையப்பட்டு தான் புதிர்கள் உருவாக்கப்படுகிறது. அந்த லாஜிக்கை கண்டுபிடிக்க மேலோட்ட பார்வை போதாது. கொஞ்சம் வித்தியாசமான சிந்தனை நுட்பம் தேவைப்படும். சராசரியாக யோசிப்பதை விட சற்று வேறு கோணத்தில் இருந்து யோசித்து அதற்கான பதிலை கண்டுபிடிக்க வேண்டும். அப்படி உங்கள் சிந்தனை திறனை சோதிக்க ஒரு கணக்கு புதிரை கொண்டு வந்திருக்கிறோம். 

POTATO=87

ONION=67

GARLIC=50

GINGER=?

ஆங்கில எழுத்துக்களும் கணக்கும் கலந்த கணக்கு புதிர் ஒன்றை உங்களுக்கு கொடுத்துள்ளோம். எப்படி எழுத்துக்கள் எண்களாக மாறின என்று எங்களிடம் கேட்க கூடாது. ஏனென்றால் அது தான் கணக்கே.. அதையே சொல்லிவிட்டால் புதிரில் என்ன சுவாரசியம் இருக்க போகிறது. யோசியுங்கள். இதே போன்ற கான்செப்டில் ஏற்கனவே ஒரு புதிரை போட்டிருக்கிறோம். அதை வைத்து கூட சிந்தித்து பாருங்கள்.

புதிர்களை தீர்க்க நேரடி சிந்தனை மட்டும் போதாது. வித்தியாசமாக சிந்திக்க வேண்டும். முயற்சி செய்து பாருங்க. ஆங்கிலத்தில் 26 எழுத்துக்கள் இருக்கின்றன. அவற்றால் உருவான வார்த்தைக்கு ஒரு எண் மதிப்பு கொடுக்கப்பட்டுள்ளது. எப்படி சாத்தியமாகும் என்று சிந்தியுங்கள். விடை கிடைக்க வாய்ப்புண்டு.

ஒரு சிலர் விடையை கண்டு பிடித்திருப்பீர்கள் என்று நம்புகிறோம். மற்றவர்களும் மீண்டும் முயற்சி செய்து பாருங்க.. சரி விடை விளக்கத்திற்கு வருவோம். புதிரின் லாஜிக் என்னவென்றால், ஆங்கிலத்தில் இருக்கும் ஒவ்வொரு எழுத்திற்கும் 1 முதல் 26 வரை எண்களை மதிப்பிடுங்கள். A -1 , B -2 , C - 3 என்று போட்டுக்கொண்டே வாருங்கள். இப்போது எல்லா எழுத்துக்கும் தனிப்பட்ட எண்பலன் கிடைத்து விட்டதா? இப்போது இதை வைத்து கணக்கை தீர்க்க பாருங்க…

முதல் வார்த்தையை எடுத்துக்கொள்வோம். POTATO என்ற சொல்லில் உள்ள ஒவ்வொரு எழுத்திற்கும் இணையான எண்களை பட்டியலிடுவோம்.

P = 16

O = 15

T = 20

A = 1

T = 20

O= 15

இப்போது இந்த எண்களின் மதிப்புகளை கூட்டினால் என்ன கிடைக்கிறது என்று பார்ப்போம்.

 POTATO = 16+15+20+1+20+15 = 87

வார்த்தைக்கான மதிப்பு கிடைத்த வழி புரிந்துவிட்டதா? இப்போது அடுத்த வார்த்தைக்கு போவோம்.

O = 15

N = 14

I  = 9

O = 15

N = 14

ONiON = 15 + 14 + 9 + 15 + 14 = 67

இதுவும் சரியாக வந்துவிட்டது. அடுத்த வார்த்தையைக் கணக்கிடுவோம்…

G = 7

A = 1

R=18

L= 12

I = 9

C = 3

GARLIC = 7+1+18+12+9+3 = 50

இறுதியாக கேட்கப்பட்டிருக்கும் கேள்விக்கு இணையான மதிப்புகளை போட்டு பார்ப்போம்.

G = 7

I = 9

N =14

G = 7

E =5

R = 18

GINGER = 7+9+14+7+5+18 = 60

இப்போது கேள்விக்கான எண் மதிப்பு கிடைத்துவிட்டது. சரியான பதில் 60.உங்களுக்கும் அதே விடை தான் கிடைத்திருக்கும் என்று நம்புகிறோம். புதிர்கள் எல்லாம் போட போட வந்துவிடும். விடா முயற்சி விஸ்வரூப வெற்றி. நாளை மற்றொரு கணக்கோடு சந்திப்போம் மக்களே…