Math Riddle | எண்கள் வரிசையின் லாஜிக் புரிந்து அடுத்த எண்ணை சொல்லுங்க பார்ப்போம்!

வேலைகளை எல்லாம் முடித்துவிட்டு என்று செய்யலாம் என்று யோசிக்கும்போது ஒரு சிலர் படம், சீரிஸ், என்று பார்ப்பார்கள். சிலர் தூங்குவார்கள். ஒரு சிலர் ஓய்வு நேரத்தில் ஏதாவது கற்றுக்கொள்ள நினைப்பார்கள். சிலர் புதிர், விடுகதைகள், சுடோகு போன்றவற்றை போடுவார்கள். அப்படி புதிர்களை கட்டவிழ்ப்பவர்களுக்கும் அதை முயற்சி செய்ய நினைப்பவர்களுக்கும் ஒரு கணக்கு புதிரை கொண்டு வந்திருக்கிறோம்.

கணக்கு புதிர்களில் பல வகைகள் உண்டு. சமன்பாடுகள் கொண்ட புதிர்கள், வெறும் எண்களை கொண்ட புதிர்கள், படப்புதிர்கள், லாஜிக் எண்கள் என்று பல வகைகள் உண்டு. அதில் லாஜிக் கணக்கு தான் உங்களுக்கு இப்போது கொடுக்கிறோம். என்ன லாஜிக் பயன்படுத்தினால் விடுபட்ட எண்ணை கொண்டு வர முடியும் என்று சிந்தித்து பாருங்கள்.

ஒரே ஒரு வரி தான் மொத்த கணக்கே, அதில் கொடுக்கப்பட்டுள்ள 4 எண்கள் எந்த வரிசையில் என்ன தொடர்பை கொண்டு அமைக்கப்பட்டுள்ளது என்று கண்டுபிடித்து விட்டால் அதற்கு அடுத்து வரும் எண்ணை எளிதாக கணக்கிட்டு விடலாம். கணக்கும் முடிந்துவிடும். அந்த எண்களுக்கு இடையேயான சம்பந்தம் மட்டும் தான் இங்கே மேட்டர்.

ஆனால் இங்கு தான் சிக்கலும் கூட.. ஒரு பேப்பர் பென்சில் எடுத்து எண்கள் இடையே எதை கூட்டினால், கழித்தால், பெருக்கினால் அடுத்த எண் வருமா என்று சிந்தித்து பாருங்கள். எங்களுக்கு இடையில் இருக்கும் வித்தியாசம் எப்படி வந்தது என்று சிந்தித்து பாருங்க. கொஞ்சம் அதிகம் சிந்திக்க வேண்டி இருக்கும். உங்கள் கற்பனை வளங்களை கூட உள்ளே புகுத்தி பாருங்க.. விடை கிடைக்கலாம்.

இந்த கணக்கை போட அதிகபட்சம் 60 வினாடிகள் தான் ஆகும். அதற்கு முன்னதாகவே நீங்கள் முடித்து விட்டீர்கள் என்றால் சூப்பர்… அந்த நேரத்திற்குள் வராதவர்கள் கவலைப்பட வேண்டாம், ‘சித்திரமும் கைப்பழக்கம்’ என்பது போல் பழக பழக வந்துவிடும். சரி இப்பொது விடைக்கு வருவோம். முதலில், இந்த கணக்கின் லாஜிக்கை சொல்கிறோம். அதை வைத்து மீண்டும் முயற்சி செய்து பாருங்க..

இந்த கணக்கின் அடிப்படை லாஜிக் என்னவென்றால் ஒவ்வொரு எண்ணிலும் இருக்கும் தனிபட்ட எண்களைக் கூட்டி அதை மொத்த எண்ணில் இருந்து கழித்தால் அடுத்த எண் கிடைத்துவிடும். இப்போது, இந்த லாஜிக்கை வைத்து மீண்டும் முயற்சி செய்து பாருங்க. விடை கிடைத்துவிடும். கிடைக்கும் விடை எண்கள் விடையொடு பொருந்துகிறதா என்று சரிபார்த்துக்கொள்ளுங்கள்.

முதல் எண் 123 இதில் உள்ள தனிப்பட்ட எண்களை கூட்டலாம்,

1 + 2 + 3 = 6

இதை முத்த எண்களில் இருந்து கழிப்போம்,

123 - 6 = 117

இதே முறையை 117 க்கும் பயன்படுத்துவோம்,

1 + 1 + 7 = 9

117 - 9 = 108

இதே முறையை மீண்டும் உள்ளிடுவோம்,

1 + 0 + 8 = 9

108 - 9 = 99

இதையும் முயற்சி செய்து பாருங்க: கணக்கில் உள்ள லாஜிக்கை கண்டுபிடித்து விடையை சொல்லுங்க பார்ப்போம்

இறுதியாக கேள்விக்கும் இதே முறையை பயன்படுத்துவோம்,

9 + 9 = 18

99 - 18 = 81

81 என்பது தான் சரியான விடை.

உங்களுக்கும் அதே விடை தான் கிடைத்திருக்கும் என்று நம்புகிறோம். கணக்கு லாஜிக் எல்லாம் நிறைய சித்திக்க, போட்டு பார்க்க வந்துவிடும். நாளை மற்றொரு கணக்கோடு சந்திப்போம் மக்களே…