Math Riddle | முக்கோணத்தின் லாஜிக் புரிந்து விடுபட்ட எண்ணை கண்டுபிடிங்க மக்களே!

பொழுதுபோக்கு என்பது ஒவ்வொரு நபருக்கும் மாறுபடும். ஒருவர் நேரம் தூங்குவார். ஒருவர் நேரம் கிடைக்கும் போதெல்லாம் படிப்பார். சிலர் படங்கள், சீரிஸ் என்று பார்த்து தள்ளுவார்கள். சிலர் தங்களது விட்டு போன பழக்கங்களை எல்லாம் மீட்டெடுக்க இந்த நேரத்தை பயன்படுத்தி கொள்வார்கள்.

சிலர் காலை எழுந்தவுடன் செய்தித்தாளை விரித்து முந்தைய தினத்தின் செய்திகளை எல்லாம் கரைத்து குறித்துவிட்டு கடைசியாக அதில் இருக்கும் எண் மற்றும் வார்த்தை புதிர்களை தீர்க்க முயற்சித்துக் கொண்டே இருப்பார்கள். பேருந்து , ரயில் அல்லது மெட்ரோவில் போகும் போது கூட அதை போட்டுக் கொண்டே போவதை நம்மால் பார்க்க முடியும். அது போல நம்மால் புதிர்களை அவிழ்க்க முடியவில்லையே என்று கவலைப்பட வேண்டாம். எளிதான லாஜிக் புதிர் ஒன்றை உங்களுக்காக எடுத்து வந்திருக்கிறோம்.

மூன்று முக்கோணங்கள் கொடுக்கப்பட்டுள்ளன.அதன் மூன்று பக்கங்களிலும் எண்கள் உள்ளது. முக்கோணத்தின் நடுவிலும் எண் உள்ளது. சுற்றி உள்ள மூன்று எண்களை என்ன செய்தால் நடுவில் உள்ள எண் கிடைக்கும் என்று கண்டுபிடிப்பது தான் கணக்கு. இதுவரை நாம் போட்ட கணக்குகளை வைத்து இந்த கணக்கின் லாஜிக்கை கண்டுபிடிக்க பாருங்கள்.

ஒவ்வொரு கணக்கிற்கும் அதன் லாஜிக் தான் மூல ஆதாரம். கணக்கில் லாஜிக்கை கண்டுபிடித்துவிட்டால் நொடிகளில் கணக்கு முடிந்துவிடும். இது புரியாமல் தான் கணக்கு கடினமான பாடம் என்று நாம் நினைத்து கொள்கிறோம். சரி கணக்கிற்கு வருவோம்.வெளியில் உள்ள எண்களுக்கு இடையே உள்ள தொடர்புகளை கவனித்து பாருங்கள்.அதில் கூட்டல் , கழித்தல் பெருக்கல் என்று ஒவ்வொன்றாக போட்டு பாருங்கள்.

சரி உங்களுக்கு இந்நேரம் விடை கிடைத்திருக்கும் என்று நம்புகிறோம். விளக்கத்திற்கு வருவோம்.இந்த விளக்கத்தின் படி உங்கள் விடையும் ஒத்துப் போகிறதா என்பதை மட்டும் சரிபார்த்துக் கொள்ளுங்கள். விடை கிடைக்காதவர்கள் இந்த லாஜிக்கை கற்றுக்கொண்டு மீண்டும் முயற்சி செய்துபாருங்கள்.

கணக்கின் அடிப்படை லாஜிக் என்னவென்றால் முக்கோணத்தில் இடப்பக்கம் உள்ள எண்ணை கீழே உள்ள என்னோடு பெருக்கி வரும் விடையில் இருந்து வலதுபுறம் உள்ள எண்ணை கழிக்க வேண்டும்.அது மட்டும் இல்லாமல் பொதுவாக கிடைக்கும் எண்ணில் இருந்து 2 ஐ கழிக்க வேண்டும்.இப்போது லாஜிக் தெரிந்ததா? இப்போது கூட புதிருக்கு சென்று அதன் விடையை கண்டுபிடிக்க முயலுங்கள்.

முதல் முக்கோணத்தில் இடதுபுறமும் கீழ் பகுதியிலும், 5, 4 ஆகிய எண்கள் உள்ளன. இந்த எண்களை முதலில் பெருக்க வேண்டும்

5 * 4 = 20

கிடைத்த விடையில் இருந்து வலதுபுறம் உள்ள எண்ணை கழிப்போம்.

20-6 = 14

இறுதியாக இந்த விடையில் இருந்து இரண்டை கழிப்போம்.

14 - 2 = 12

முக்கோணத்தின் உள்ளே இருக்கும் எண் கிடைத்து விட்டதா? இதே போல மற்ற முக்கோணங்களை போடலாம்,

இரண்டாவது முக்கோணத்தில்,

6 * 5 = 30

கிடைத்த விடையில் இருந்து வலதுபுறம் உள்ள எண்ணையும் 2 என்ற எண்ணையும் கழிப்போம்.

30 - 7 - 2 = 30 - 9 = 21

இதுவும் விடை சரியாக கிடைத்துவிட்டது.

இதையும் முயற்சி செய்து பாருங்க: வட்டத்தில் உள்ள எண்களின் லாஜிக்கை கண்டுபிடித்து விடுபட்ட எண்ணை கண்டுபிடிங்க பார்ப்போம்!

இறுதியாக கேள்விக்கு வருவோம்.முக்கோணத்தில் இடதுபுறமும் கீழ் பகுதியிலும், 4 , 10 ஆகிய எண்கள் உள்ளன. இந்த எண்களை முதலில் பெருக்க வேண்டும்

4 * 10 = 40

கிடைத்த விடையில் இருந்து வலதுபுறம் உள்ள எண்ணையும் 2 என்ற எண்ணையும் கழிப்போம்.

40 - 8 - 2 = 40 -10 =30

30 என்பது தான் சரியான விடை உங்களுக்கும் இதே எண் வந்திருந்தால் வாழ்த்துகள். இல்லை என்றாலும் பரவாயில்லை மீண்டும் முயற்சி செய்யுங்கள். ‘சித்திரமும் கைப்பழக்கம்’ என்பது போல் போட போட கணக்கும் வந்துவிடும். விடாமல் முயற்சி செய்யுங்கள்.