Math riddle | வட்டத்தில் உள்ள எண்களின் லாஜிக்கை கண்டுபிடித்து விடுபட்ட எண்ணை கண்டுபிடிங்க பார்ப்போம்!

வேலைகளை எல்லாம் முடித்துவிட்டு  என்று செய்யலாம் என்று யோசிக்கும்போது ஒரு சிலர் படம், சீரிஸ், என்று பார்ப்பார்கள். சிலர் தூங்குவார்கள். ஒரு சிலர் ஓய்வு நேரத்தில் ஏதாவது கற்றுக்கொள்ள நினைப்பார்கள். சிலர் புதிர், விடுகதைகள், சுடோகு போன்றவற்றை போடுவார்கள். அப்படி புதிர்களை கட்டவிழ்ப்பவர்களுக்கும் அதை முயற்சி செய்ய நினைப்பவர்களுக்கும் ஒரு கணக்கு புதிரை கொண்டு வந்திருக்கிறோம்.

கணக்கு  புதிர்களில் பல வகைகள் உண்டு. சமன்பாடுகள் கொண்ட புதிர்கள், வெறும் எண்களை கொண்ட புதிர்கள், படப்புதிர்கள், லாஜிக் எண்கள் என்று பல வகைகள் உண்டு. அதில் லாஜிக் கணக்கு தான் உங்களுக்கு இப்போது கொடுக்கிறோம். என்ன லாஜிக் பயன்படுத்தினால் விடுபட்ட எண்ணை கொண்டு வர முடியும் என்று சிந்தித்து பாருங்கள். 

கணக்கில் ஒரு பெரிய வட்டமும் அதற்கு உள்ளே சிறிய வட்டமும் கொடுக்கப்பட்டுள்ளது. ஒவ்வொரு கால் வட்டத்திற்கும் வெளிவட்டத்தில் இரண்டு எண்களும் உள்வட்டத்தில் ஒரு எண்ணும் கொடுக்கப்பட்டுள்ளது. இந்த மூன்று எண்களுக்கும் உள்ள தொடர்பை கண்டுபிடிப்பது தான் கணக்காக இருக்க போகிறது. கணக்கை சொல்லும்போதே அதற்கான ஹிண்ட்டையும் தந்துவிட்டோம்.

கொடுக்கப்பட்டுள்ள இரண்டு எண்களை வைத்து எப்படி மூன்றாவது எண்ணை கொண்டு வரவேண்டும் என்பது தான் கணக்கு. இந்த கணக்கை லாஜிக்காக சிந்தித்தால் விடை சீக்கிரம் கிடைத்துவிடும். இதுவரை நாம் பயன்படுத்திய புதிர் கணக்குகளில் பயன்படுத்திய லாஜிக்குகளை பற்றி சிந்தித்து பாருங்கள். எளிமையான வழிகளை யோசித்தால் போதுமானது.

சரி உங்களுக்கு இந்நேரம் விடை கிடைத்திருக்கும் என்று நம்புகிறோம். விளக்கத்திற்கு வருவோம்.இந்த விளக்கத்தின் படி உங்கள் விடையும் ஒத்துப் போகிறதா என்பதை மட்டும் சரிபார்த்துக் கொள்ளுங்கள். விடை கிடைக்காதவர்கள் இந்த லாஜிக்கை கற்றுக்கொண்டு மீண்டும் முயற்சி செய்துபாருங்கள்.

இந்த புதிரின் அடிப்படை லாஜிக் பெரிய வட்டத்தில் உள்ள இரண்டு எண்களையும் கூட்டி, வரும் விடையை சிறிய எண் கொண்டு பெருக்கினால் சிறிய வட்டத்தில் உள்ள எண் கிடைத்துவிடும். இப்போது லாஜிக் தெரிந்ததா? இப்போது கூட புதிருக்கு சென்று அதன் விடையை கண்டுபிடிக்க முயலுங்கள். 

வட்டத்தின் முதல் காலப்பகுதியை எடுத்துக்கொள்வோம். அதில் கொடுக்கப்பட்டுள்ள எண்கள் - 50 , 2.

இந்த இரண்டு எண்களையும் கூட்டினால்,

50+2=52

கிடைத்த விடையை இரண்டு எண்களில் சிறியதாகிய 2 ஆல் பெருக்குங்கள்,

52 * 2 = 104

உள்ளே உள்ள வட்டத்தின் எண் கிடைத்துவிட்டது அல்லவா? அதே போல மற்ற பகுதிகளையும் தீர்ப்போம்.

வட்டத்தின் இரண்டாம் காலப்பகுதியில் உள்ள எண்கள் 42 , 3. இதை கூட்டினால், 

42 + 3 = 45

இரண்டு எண்களில் சிறிய எண்ணான 3 ஆல் பெருக்கினால்,

45 * 3 = 135

அடுத்து மூன்றால் காலப்பகுதியை ஆராய்ந்தால், அதில் உள்ள எண்கள்-35, 5 . அதை கூட்டினால்,

35+5=40

இரண்டு எண்களில் சிறிய எண்ணான 5 ஆல் பெருக்கினால்,

40 * 5 = 200

இதையும் முயற்சி செய்து பாருங்க: எண்ணும் எழுத்தும் கலந்த இந்த புதிரின் விடையை கண்டுபிடித்தால் நீங்க கில்லாடி தான்

இறுதியாக கணக்கிற்கு வருவோம், அதில் குறிப்பிட்டுள்ள எண்கள்- 20, 4 இரண்டையும் கூட்டினால், 

20+4=24

24 ஐ சிறிய எண்ணால் பெருக்கும்போது, 

24 * 4 = 96

96 என்பது தான் சரியான விடை உங்களுக்கும் இதே எண் வந்திருந்தால் வாழ்த்துகள். இல்லை என்றாலும் பரவாயில்லை மீண்டும் முயற்சி செய்யுங்கள்.  ‘சித்திரமும் கைப்பழக்கம்’ என்பது போல் போட போட கணக்கும் வந்துவிடும். விடாமல் முயற்சி செய்யுங்கள்.