Letter Puzzle | இந்த கட்டத்தில் விடுபட்ட எழுத்தை சரியாக நிரப்புங்க மக்களே!

பொழுதுபோக்காக செய்யும் சில செயல்கள் நம்மை மேம்படுத்திக்கொள்ள உதவியாக இருக்கும் அதில் ஒரு வழி தான் புதிர்களை அவிழ்ப்பது. புதிர்களில் படப் புதிர், வார்த்தை விளையாட்டுகள், கணித புதிர்கள் என்று பல வகைகள் உண்டு. இதில் உள்ள அனைத்து புதிர்களுக்கும் உள்ள ஒரு பொதுவான விஷயம் லாஜிக். இந்த லாஜிக் கண்டுபிடிக்க யோசிக்கும்போது நமது மூளை  பல கோணங்களில் செயல்படத் தொடங்கும்.

நம் வாழ்க்கையில்  ஒரு பிரச்சனை என்று எடுத்துக்கொண்டால், அதற்கு நிறைய தீர்வுக்கான வழிகள் இருக்கும். அதில் எதை தேர்வு செய்தால் பெரும்பாலானவர்களுக்கு பிரச்சனை அல்லது மனக்கஷ்டம் இல்லாமல் இருக்கும் என்று சிந்தித்து செயல்படுத்த வேண்டி இருக்கும். அதை யோசிக்க பழக இந்த புதிர்கள் ஒரு  பயிற்சி களமாக  இருக்கும். உங்களுக்காக இன்று ஒரு எழுத்து புதிர் கொண்டுவந்துள்ளோம் 

இந்த புதிரில் விடுபட்ட எழுத்தை கண்டுபிடிக்க வேண்டும். அவ்வளவு தான். கட்டத்தில் உள்ள எழுத்துக்களின் தொடர்புகளை கண்டுபிடித்துவிட்டால் விடை எளிதாக கிடைத்துவிடும். கட்டங்களில் கிடைமட்டமாகவோ  செங்குத்தாகவோ உள்ள எழுத்துகள் எந்த அடிப்படையில் வரிசை படுத்தப்பட்டுள்ளன என்பதை கவனியுங்கள்.

இத்தனை நாட்களாக எண்களைக் கொண்டு புதிர்களை போட்டுவந்தோம். ஒரு மாறுதலுக்குக்காக இன்று எழுத்து புதிர் கொடுக்கப்பட்டுள்ளது. இதை தீர்க்க முயற்சி செய்யுங்கள். ஆங்கிலத்தில் உள்ள 26 எழுத்துக்களையும் வரிசையாக எழுதி இந்த எழுத்துக்கள் என்ன அடிப்படையில் வரிசைப்படுத்தப்பட்டுள்ளன என்பதை கவனியுங்கள். நேற்றைய புதிரை போலவே இருக்கும். சின்ன மற்றம் தான் முயற்சி செய்து பாருங்க…

உங்களுக்கு இந்நேரம் விடை கிடைத்திருக்கும் என்று நம்புகிறோம். அப்படி கிடைக்கவில்லை என்றாலும் பரவாயில்லை. லாஜிக்கை தெரிந்துகொண்டு மீண்டும் முயற்சி செய்து பாருங்க. இந்த எழுத்து வரிசையில் லாஜிக் ஒன்று தான், கிடைமட்டமாக இருக்கும் எழுத்துக்களில் முதல் எழுத்தில் இருந்து நான்காவது எழுத்து தான் அடுத்து கொடுக்கப்பட்டுள்ளது. அதே போல் இரண்டாவது மற்றும் மூன்றாவது எண்ணிற்கு இடையில் 3 எழுத்துகள் வித்தியாசம்.அதே போல 3 ஆவது மற்றும் 4 ஆவது எழுத்திற்கு இடையில் 2 எழுத்துகள் வித்தியாசம்.

இதை கொடுக்கப்பட்டுள்ள பெட்டகத்தின் ஒவ்வொரு வரிசையிலும் போட்டு பார்ப்போம். 

A B C D E F G H I J K L M N O P Q R S T U V W X Y Z

முதல் வரிசை  = M (+4)→ Q (+3)→ T (+2)→ V

முதல் வரிசையில் சரியாக பொருந்திவிட்டது. அடுத்து வரும் வரிசைகளை பார்ப்போம்.

இதையும் முயற்சி செய்து பாருங்க: Letter Puzzle | இந்த எழுத்து புதிரில் விடுபட்ட எழுத்தை சரியாக கண்டுபிடிங்க பார்ப்போம்

இரண்டாவது வரிசை  = F (+4)→ J (+3)→ M (+2)→ O

மூன்றாவது வரிசை  = R(+4)→ V (+3)→ Y (+2)→ A

எல்லாம் சரியாக வந்துவிட்டது. இப்பொது இறுதியாக கணக்கிற்கு வருவோம்.

நான்காவது வரிசை  = B (+4)→ F (+3)→ I (+2)→K

K என்பது தா சரியான விடை. உங்களுக்கும் அதே விடை தான் கிடைத்திருக்கும் என்று நம்புகிறோம். புதிர்கள் எல்லாம் போட போட வந்துவிடும். விடா முயற்சி விஸ்வரூப வெற்றி. நாளை மற்றொரு கணக்கோடு சந்திப்போம் மக்களே…