Home /tiruppur /

திருப்பூர் விவசாயிகளே.. வருமானத்தை அதிகரிக்க தென்னைக்கு ஊடுபயிராக இவற்றை பயிரிடுங்க..

திருப்பூர் விவசாயிகளே.. வருமானத்தை அதிகரிக்க தென்னைக்கு ஊடுபயிராக இவற்றை பயிரிடுங்க..

திருப்பூர்

திருப்பூர்

Tiruppur District News | தென்னையில் ஊடுபயிராக மகோகனி, மிளகு ஆகியவற்றை சாகுபடி செய்து வருமானத்தை பெருக்கலாம் என்றார் திருப்பூர் மாவட்ட வேளாண் துணை இயக்குனர் சுருளியப்பன்.

  • News18 Tamil
  • 1 minute read
  • Last Updated :
  • Tiruppur, India
திருப்பூர் விவசாயிகள் வருமானத்தை அதிகரிக்க தென்னைக்கு ஊடு பயிராக மனோகனி, மிளகு சாகுபடி செய்யுங்கள் என்று திருப்பூர் மாவட்ட வேளாண் துணை இயக்குனர் சுருளியப்பன் விவசாயிகளை அறிவுறுத்தியுள்ளார்.

குடிமங்கலம் வட்டாரத்தில் உலக தென்னை தினத்தினை முன்னிட்டு கருத்தரங்கம் நடந்தது. இதில், வேளாண் உதவி இயக்குனர் வசந்தா, பேசியதாவது, “ஒவ்வொரு ஆண்டும் செப்டம்பர் 2-ந்தேதி உலக தென்னை தினம் கொண்டாடப்படுகிறது. குடிமங்கலம் வட்டாரத்தில் நிகர சாகுபடி பரப்பான, 22 ஆயிரம் ஹெக்டர் பரப்பளவில், 13 ஆயிரம் ஹெக்டர் பரப்பளவில் தென்னை சாகுபடி செய்யப்பட்டுள்ளது.

தென்னை, வட்டார விவசாயிகளுக்கு வாழ்வாதார பயிராக உள்ளது. நிரந்தர பயிரை சிறப்பாக பராமரிக்க நவீன தொழில்நுட்பங்களை பயன்படுத்த வேண்டும் என்றார்.

மேலும் வட்டார வேளாண் விரிவாக்க மையத்தில் மானிய விலையில் இருப்பிலுள்ள, தென்னை, பருத்தி, பயறு வகை மற்றும் தானிய வகை உரங்கள் , மக்காச்சோளம், கம்பு, உளுந்து, பாசிபயறு, கொண்டைக்கடலை, நிலக்கடலை விதை இருப்பு குறித்தும், வேளாண் துறை சார்பில் செயல்படுத்தப்படும் மானியத்திட்டங்கள் குறித்தும் வேளாண் உதவி இயக்குனர் வசந்தா பேசினார்.

பொங்கலூர் அறிவியல் மைய பேராசிரியர் கலையரசன் கூறுகையில், தென்னையில் தோன்றும் பூச்சி மற்றும் நோய்களை கட்டுப்படுத்தும் முறைகள், வருவாய் அதிகரிக்க தென்னந்தோப்புக்குள் தேனீ வளர்ப்பு முறைகள் குறித்து விளக்கினார்.

தென்னையில் ஊடுபயிராக மகோகனி, மிளகு ஆகியவற்றை சாகுபடி செய்து வருமானத்தை பெருக்கலாம் என்றார் திருப்பூர் மாவட்ட வேளாண் துணை இயக்குனர் சுருளியப்பன்.

உங்கள் ஊர் செய்திகளை வீடியோவாக பெற கிளிக் செய்க

முன்னாள் வேளாண் உதவி இயக்குனர் மகாலிங்கம், தென்னை மரத்திற்கு இட வேண்டிய பேரூட்டம், நுண்ணுாட்ட உரங்களின் அளவு மற்றும் பயன்படுத்தும் முறைகள் குறித்தும், தென்னந்தோப்புக்குள் பசுந்தாள் உரமாக பயன்படும் தக்கை பூண்டு பயிரிட்டு பூக்கும் பருவத்தில் மடக்கி உழுவதால் மண்ணில் அங்கக சத்தின் அளவு அதிகமாவதோடு களையும் கட்டுப்படுத்தப்படும் என்றார்.கருத்தரங்கினை முன்னிட்டு அலுவலக வளாகத்தில், தென்னை சார் பொருட்களைக்கொண்டு கண்காட்சி அமைக்கப்பட்டிருந்தது.
Published by:Arun
First published:

Tags: Local News, Power cut, Tiruppur

அடுத்த செய்தி