Home /theni /

தேனி கும்பக்கரை அருவியில் குளிக்க சுற்றுலாப் பயணிகளுக்குத் தடை

தேனி கும்பக்கரை அருவியில் குளிக்க சுற்றுலாப் பயணிகளுக்குத் தடை

மாதிரிப் படம்

மாதிரிப் படம்

தேனி மாவட்டம் கும்பக்கரை அருவியில் வெள்ள பெருக்கு ஏற்பட்டதையடுத்து சுற்றுலாப் பயணிகள் குளிப்பதற்கு தடைவிதிக்கப்பட்டுள்ளது.

  • News18 Tamil
  • 1 minute read
  • Last Updated :
  • Periyakulam, India
    மேற்கு தொடர்ச்சி மலைப்பகுதியில் அளவுக்கு அதிகமாக மழை பெய்து வருவதால், தேனி மாவட்டம் கும்பக்கரை அருவியில் வெள்ள பெருக்கு ஏற்பட்டுள்ளது. இதனால் அங்கு சுற்றுலா பயணிகள் குளிக்க தடை விதிக்கப்பட்டுள்ளது.

    தமிழகத்தின் பல்வேறு பகுதிகளிலும் மழை பெய்து வருகிறது. இந்நிலையில், மழையால், ஆறு, குளம், குட்டை உள்ளிட்ட நீர்நிலைகளில் தண்ணீர் அதிகமாக வருகிறது.

    மேற்கு தொடர்ச்சி மலைகளிலும் நீர் ஆர்ப்பரித்து கொட்டுகிறது. இந்நிலையில், பல்வேறு இடங்களிலும் வெள்ள அபாய எச்சரிக்கை விடுக்கப்பட்டுள்ளது. இந்நிலையில், தேனி மாவட்டம் பெரியகுளம் அருகே மேற்கு தொடர்ச்சி மலை அடிவார பகுதியில் கும்பக்கரை அருவி உள்ளது.

    கொடைக்கானல் மலை மற்றும் மேற்கு தொடர்ச்சி மலைப்பகுதியில் மழை பெய்யும்போது, கும்பக்கரை அருவிக்கு நீர்வரத்து ஏற்படும். கடந்த சில தினங்களாக, கொடைக்கானல் மற்றும் அருவியின் நீர்ப்பிடிப்பு பகுதிகளில் பரவலாக மழை பெய்தது.

    இதனால் அருவியில் சீராக தண்ணீர் விழுந்தது. இந்தநிலையில் நேற்று இரவு கொடைக்கானல் மலைப்பகுதியில் கனமழை கொட்டித்தீர்த்தது. இதனால் கும்பக்கரை அருவிக்கு நீர்வரத்து அதிகரித்தது. நேற்று காலை அருவியில் வெள்ளப்பெருக்கு ஏற்பட்டது.

    இதையடுத்து சுற்றுலா பயணிகள் அருவியில் குளிக்க வனத்துறையினர் தடை விதித்தனர். இதையொட்டி அருவிக்கு செல்லும் வாசலின் முன்பக்க கதவு மூடப்பட்டது. மேலும் கும்பக்கரை அருவியில் நீர்வரத்து சீரான பிறகே சுற்றுலா பயணிகள் குளிக்க அனுமதிக்கப்படுவார்கள் என்று வனத்துறையினர் தெரிவித்துள்ளனர்.
    Published by:Karthick S
    First published:

    Tags: Local News, Theni

    அடுத்த செய்தி