ஹோம் /தேனி /

தேனி பென்னிகுவிக் மணிமண்டப பராமரிப்பு பணிகளில் இணைந்த விவசாயிகள்

தேனி பென்னிகுவிக் மணிமண்டப பராமரிப்பு பணிகளில் இணைந்த விவசாயிகள்

X
பராமரிப்பு

பராமரிப்பு பணியில் விவசாயிகள்

Theni | தேனி மாவட்டத்திலுள்ள பென்னி குவிக் மணிமண்டபத்தை பராமரிக்கும் பணியில் விவசாயிகள் ஈடுபட்டுள்ளனர்.

  • News18 Tamil
  • 2 minute read
  • Last Updated :
  • Theni, India

தேனி மாவட்டம் லோயர் கேம்ப் பகுதியில் அமைந்துள்ள பென்னிகுவிக் மணி மண்டபத்தில் பொங்கல் விழா மற்றும் பென்னிகுவிக் பிறந்த நாள் விழா கொண்டாடுவதற்காக, மணிமண்டபம் வளாகம் முழுவதிலும் பராமரிப்பு பணிகள் நடைபெற்று வருகிறது. இந்த நிலையில், பெரியார் வைகைப் பாசன விவசாய சங்கத்தினரும் இணைந்து பராமரிப்பு பணிகளில் ஈடுபட்டு மணிமண்டப வளாகப் பகுதிகளை சுத்தப்படுத்தி வருகின்றனர்.

பென்னிக்குவிக் பிறந்தநாள்

முல்லைப் பெரியாறு அணையைக் கட்டிக் கொடுத்த ஜான் பென்னி குவிக்கின் பிறந்த நாள் விழா அரசு விழாவாக கொண்டாடப்பட்டு வருகிறது. இந்த ஆண்டு பென்னி குவிக்கின் 182 வது பிறந்த நாள் விழா மிக விமரிசையாக கொண்டாடப்பட உள்ளது.

இதனால், தேனி மாவட்டம் லோயர் கேம்ப் பகுதியில் அமைந்துள்ள பென்னிகுவிக் மணி மண்டபத்தில், பென்னி குவிக் பிறந்தநாள் விழா கொண்டாடுவதற்காக மணி மண்டப வளாகம் முழுவதும் பொதுப்பணித்துறையினர் சார்பாக பராமரிப்பு பணிகள் மேற்கொள்ளப்பட்டு நடைபெற்று வருகிறது.

பராமரிப்பு பணியில் விவசாயிகள்

பிறந்தநாள் விழா

தென் மாவட்டங்களான திண்டுக்கல், மதுரை, தேனி, ராமநாதபுரம், சிவகங்கை ஆகிய 5 மாவட்ட மக்களின் நீராதாரமாக முல்லைப் பெரியாறு அணை உள்ளது. இதனைக் கட்டிய ஆங்கிலேயப் பொறியாளர் கர்னல் ஜான் பென்னி குவிக்கை தேனி மாவட்ட மக்கள் உள்பட ஐந்து மாவட்ட மக்களும் மரியாதைக்குரியவராகவே பார்க்கின்றனர்.

பராமரிப்பு பணியில் விவசாயிகள்

பென்னிகுவிக் பிறந்தநாள் ஜனவரி 15வது நாள் என்பதால், அன்றைய தினம் பென்னிகுவிக்குக்கு பொங்கல் வைத்து வழிபடுவதும் வழக்கம்.

பென்னிக்குவிக் பிறந்தநாள் அன்று ஏராளமான அரசியல் கட்சித் தலைவர்களும் விவசாய சங்கத் தலைவர்களும் பொதுமக்களும் மணிமண்டபத்திற்கு வருகை புரிந்து பென்னிக்குவிக் சிலைக்கு மாலை அணிவித்து மரியாதை செலுத்துவர்.

பராமரிப்பு பணியில் விவசாயிகள்

பராமரிப்பு பணிகள்

இதனால், மணி மண்டபம் முழுவதும் புதர் மண்டி இருந்த இடங்களை சுத்தம் செய்தும் மணிமண்டபத்துக்கு வர்ணம் பூசும் பணிகளும் பொதுப்பணித் துறை அதிகாரிகளால் நடைபெற்று வருகிறது.

இந்த நிலையில் பென்னிகுவிக் மணிமண்டபம் பராமரிப்பு பணிகளில் பெரியார் வைகை பாசன விவசாய சங்கத்தினரும் இணைந்து பென்னிகுவிக் மணிமண்டபத்தின் வெளி வளாக பகுதிகளில் உள்ள புதர்களையும் செடிகளையும் அகற்றினர். வாகனம் நிறுத்துவதற்கு இடையூறாக இருந்த புதர்களையும் , மணிமண்டபம் தெரியாத அளவிற்கு வளர்ந்திருந்த புதிர்களையும் அகற்றினர்.

பெரியார் வைகை பாசன சங்க ஒருங்கிணைப்பாளர் அன்வர் பாலசிங்கம் தலைமையிலும், வழிகாட்டு குழு தலைவர் சலேத்து, தலைவர் பொன் காட்சி கண்ணன் மற்றும் சங்க விவசாய இதர உறுப்பினர்கள் இணைந்து பராமரிப்பு பணிகளை மேற்கொண்டனர்.

பென்னிகுவிக் பிறந்தநாள், தைத் திருநாளை முன்னிட்டு பொதுப் பணித்துறையினர் பென்னிகுவிக் மணி மண்டபத்தை சுத்தம் செய்து வரும் நிலையில் பொதுப் பணித்துறையினருக்கு உதவியாக விவசாயிகளும் இணைந்து பராமரிப்பு பணிகளை மேற்கொண்டதாக விவசாய சங்கத்தினர் கூறினர்.

மேலும் இந்த ஆண்டு ராமநாதபுரம் பெரிய கண்மாயில் தொடங்கக்கூடிய புத்தனேந்தலில் தொடங்கி

லோயர் கேம்ப் மணிமண்டபம் வரை ஐந்து மாவட்டத்திலும் பொங்கல் வைத்து பென்னிகுவிக் பிறந்தநாள் சிறப்பாக கொண்டாட பெரியார் வைகை பாசன சங்கம் சார்பாக ஏற்பாடு செய்யப்பட்டுள்ளதாகவும், நல்லுசாமி, செல்லமுத்து, ஈசன் முருகசாமி, ரவீந்திரன் ஆகிய விவசாய சங்க தலைவர்களை பென்னிகுவிக் மணிமண்டபத்திற்கு அழைத்து வர ஏற்பாடு செய்யப்பட்டு இருப்பதாகவும், பென்னிகுவிக் பிறந்தநாள் அன்று மணிமண்டபம் வரக்கூடிய அனைவருக்கும் தேங்காய் வழங்கப்பட உள்ளதாகவும் விவசாய சங்கத்தினர் தெரிவித்தனர்.

தற்போதைய தேங்காய் விலையின்றி விவசாயிகள் பாதிப்படைந்துள்ளதை தெரியப்படுத்தும் விதமாகவும், பொது விநியோகத் திட்டத்தில் உடலுக்கு தீங்கு விளைவிக்க கூடிய பாமாயிலுக்கு பதில் ஆரோக்கியமான தேங்காய் எண்ணெய் வழங்க வேண்டும் என்பதன் புரிதலை தெளிவுபடுத்தும் விதமாகவும் தேங்காய் வழங்க முடிவு செய்யப்பட்டதாக பெரியார் வைகை பாசன விவசாய சங்க ஒருங்கிணைப்பாளரான அன்வர் பாலசிங்கம் தெரிவித்தார்.

துரிதமாக நடைபெறும் பராமரிப்பு பணிகள் காரணமாக இந்த ஆண்டு பென்னிக்குவிக் விழா மிக சிறப்பாக அமையும் என்கின்றனர் விவசாயிகளும் பொதுமக்களும்.

செய்தியாளர்: சுதர்ஷன், தேனி.

First published:

Tags: Local News, Theni