Home /theni /

சுருளி அருவி, வைகை அணை- தேனியை வசீகரிக்கச் செய்யும் சுற்றுலாத் தலங்கள் இவைதான்

சுருளி அருவி, வைகை அணை- தேனியை வசீகரிக்கச் செய்யும் சுற்றுலாத் தலங்கள் இவைதான்

வைகை அணை

வைகை அணை

கேரள எல்லை மாவட்டமாக அமைந்துள்ள தேனி இயற்கை எழில் கொஞ்சும் சுற்றுலாத் தலங்கள் நிறைந்த மாவட்டமாக உள்ளது.

  • News18 Tamil
  • 2 minute read
  • Last Updated :
    தேனி மாவட்டத்திற்கு நீங்கள் சுற்றுலா சென்றால், நீங்கள் மறக்காமல் சுற்றிப் பார்க்க வேண்டிய இடங்கள் இருக்கின்றன. மேலும் உங்களுடைய விடுமுறையையும் எளிதாகவும், சுவாரஸ்யம் மிக்கதாகவும் இருக்கின்றது.

    தேனி பசுமை மற்றும் அழகான நீர்வீழ்ச்சிகளால் சூழப்பட்டுள்ளது. இந்த மாவட்டம் ஏராளமான ஆறுகள் மற்றும் அணைகளைக் கொண்டுள்ளது. தேனி பல காடுகளின் இருப்பிடமாக உள்ளதால் எங்கு பார்த்தாலும் பசுமையாக காட்சியளிக்கிறது. சுருளி நீர்வீழ்ச்சி, மேகமலை, கும்பக்கரை அருவி மட்டுமல்ல கோவில்கள், அணைகள் என நீங்கள் சுற்றிப் பார்க்க இங்கு பல இடங்கள் உள்ளன.

    • போடி மெட்டு தமிழகம், கேரள மாநிலங்களில் எல்லைப்பகுதியில் போடியிலிருந்து 26 கி.மீ தொலைவில் 4,500 அடி உயரத்தில், அமைந்துள்ளது. புலி அருவி, மதுரை - கொச்சி தேசிய நெடுஞ்சாலையிலும் இருக்கிறது.

    • மேகமலை அருவி தேனியிலிருந்து 54 கி.மீ தொலைவில் கோம்பைத்தொழு கிராமத்திற்கு அருகில் உள்ளது. இந்த அருவிக்கு சின்னச்சுருளி என்ற பெயரும் உண்டு. ரம்மியமானதாகவும் காட்சியளிக்கிறது.

    • சிறுவா்கள் விளையாட சிறுவா் ரயில் உட்பட பல பொழுது போக்கு அம்சங்களுடன் பூங்காவோடு இருக்கிறது வைகை அணை. ஆண்டிபட்டியிலிருந்து 7 கி.மீ தூரத்தில் இந்த அணை அமைந்துள்ளது. 111 அடி உயரம் கொண்ட இந்த அணையில் 71 அடி நீா் தேக்கி வைக்கப்படுகிறது.

    • குரங்கனி, முதுவாகுடி மற்றும் கொட்டக்குடி மலை வாழ்குடிகள், சாம்பல் மற்றும் கொட்டக்குடி ஆறுகள், மலைப் பண்ணைத் தோட்டங்களுடன் குரங்கனியில் இருந்து 16 கி.மீ தொலைவிலும், தேனியிலிருந்து 31 கி.மீ தொலைவிலும் உள்ளது.

    • உத்தமபாளையத்திலிருந்து 18 கி.மீ தொலைவிலும், கம்பம் நகரிலிருந்து 8 கி.மீ தொலைவிலும் சுருளி அருவி அமைந்துள்ளது. 40 அடி உயரம் உள்ள இவ்வருவியில் ஜூன் முதல் அக்டோபர் மாதங்களில் நீர்வரத்து மிகுதியாக இருக்கும். கீழ்ச் சுருளி, மேல்ச்சுருளி என இரு இடங்கள் உள்ளன.

    • கும்பக்கரை அருவி கொடைக்கானலின் அடிவாரத்தில் இருக்கும் இந்த அருவி பெரியகுளத்திலிருந்து 8 கி.மீ தொலைவில் உள்ளது. இந்த அருவியின் நீரில் மூலிகைகள் மற்றும் தாதுப்பொருட்களின் நற்குணங்கள் நிரம்பியுள்ளது.

    • தேனியிலிருந்து மேற்கில் 8 கி.மீ தொலைவில் முல்லை பெரியார் ஆற்றுப்படுகையில், வீரபாண்டி கிராமத்தில் ஸ்ரீகௌமாரியம்மன் திருக்கோவில் அமைந்துள்ளது. இந்த கோயிலை பாண்டிய மன்னன் ஸ்ரீ வீரபாண்டி கண் பார்வை மீண்டும் பெற்றதன் நினைவாக கி.பி.14-ஆம் நூற்றாண்டில் கட்டப்பட்டதாக கூறப்படுகிறது.

    Published by:Karthick S
    First published:

    Tags: Local News, Theni

    அடுத்த செய்தி