கோடை வெயிலுக்கு இதமாக வீரபாண்டி முல்லை பெரியாற்றில் குடும்பத்துடன் ஒரு உற்சாகக் குளியல் போடலாமே..!!

Veerapandi river

Theni District: கோடை வெயிலின் தாக்கம் அதிகரித்து வரும் நிலையில், உடல் சூட்டைத் தனிக்க, தேனி அருகே உள்ள வீரபாண்டி முல்லை பெரியாற்றில் பொதுமக்கள் குடும்பத்துடன் உற்சாக குளியல் போட்டு வருகின்றனர்.

News18 Tamil
Last Updated : May 25, 2022, 17:33 IST

கோடை காலம் தொடங்கியதிலிருந்தே வெளியில் நடமாட முடியாத அளவிற்கு வெப்பம் சுட்டெரித்துக் கொண்டிருக்கிறது. கடும் வெப்பத்திலிருந்து தங்களைப் பாதுகாத்துக்கொள்ள நினைக்கும், மக்கள் தங்கள் கிராமம் வழியாக செல்லும் முல்லை பெரியாற்றில் தினமும் குதித்து, குளித்து சூட்டைத் தனித்துக்கொள்கிறார்கள்.

தேனி மாவட்டத்தில் உள்ள வீரபாண்டி நகரின் வழியாக செல்கிறது முல்லை பெரியாறு. இந்த ஆற்றில் சிறுவர்கள் முதல் பெரியவர்கள் வரை தற்போது அடிக்கும் வெயிலின் தாக்கத்தை சமாளிக்க, தினமும் குளியல் போடுகின்றனர். புகழ்பெற்ற வீரபாண்டி திருவிழா நிறைவடைந்த நிலையில் பள்ளி மாணவர்களுக்கு விடப்பட்டுள்ள கோடை விடுமுறையில் நேரத்தைப் போக்க வீரபாண்டி முல்லைப் பெரியாற்றில் போதுமான அளவு நீர் வரத்து உள்ளதால் சிறுவர்கள் பெண்கள் என குடும்பத்துடன் ஆனந்த குளியல் போட்டு வருகின்றனர் இப்பகுதி மக்கள்.

இதுகுறித்து பொதுமக்கள் கூறுகையில், "வீரபாண்டி முல்லைப் பெரியாற்றில் போதுமான நீர்வரத்து உள்ளதால் இந்த இடம் சுற்றுலா தளம் போல உள்ளது. குடும்பத்துடன் குளிப்பதற்கு ஏற்ற இடமாக உள்ளது. தற்போது நீர்வரத்து குறைவாக உள்ளதால் குடும்பத்துடன் குளிக்க முடிகிறது. நேரத்தை செலவழித்து ஆனந்த குளியல் போடுவது மகிழ்ச்சியாக உள்ளது" என்றனர்.

செய்தியாளர்: சுதர்ஸன்

உங்கள் நகரத்திலிருந்து(தேனி)

தேனி

Published by:Arun

First published: May 25, 2022, 17:33 IST

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம்.
நியூஸ்18 தமிழ்நாடு தொலைக்காட்சியை, ARASU CABLE - 50, TCCL - 57, SCV - 28, VK Digital - 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்.

Tags: Theni

theni