மழை பொழிய வேண்டி பெரியகுளம் ஈச்சமலை மகாலட்சுமி கோயிலில் சிறப்பு அபிஷேகம்..

தேனி மாவட்டம் பெரியகுளம் அருகே உள்ள ஈச்சமலை மகாலட்சுமி கோயிலில் ஒவ்வொரு பிரதோஷத்தை முன்னிட்டு சிறப்பு அபிஷேகங்கள் நடைபெறுவது வழக்கம். இக்கோயில் பிரதோஷ வழிபாட்டை முன்னிட்டு திரளான பக்தர்கள் வந்து வழிபட்டு செல்வர். பிரதோஷ நாளில் நடைபெறும் அபிஷேக வழிபாட்டை காண பல்வேறு பகுதியில் இருந்து மக்கள் இக்கோவிலுக்கு வருகை புரிகின்றனர். அந்த வகையில் தை மாதம் பிப்ரவரி 3 பிரதோஷ தினத்தை முன்னிட்டு தேனி மாவட்டம் பெரியகுளம் அருகே உள்ள ஈச்சமலை மகாலட்சுமி திருக்கோயிலில் கடந்த 48 நாட்களாக பூஜை செய்த பிரதோஷ பிரசாதத்தை வைத்து சிவனுக்கு நாகராஜருக்கும்

பிரதோஷம் வழிபாடு நடைபெற்றது.

மேலும் பிரதோஷத்தை முன்னிட்டு மகாலட்சுமி கோயிலில் உள்ள அதிகார நந்தீஸ்வரன் சிலைக்கும், நாகராஜர் சிவனுக்கும் 5 வகை சாதங்களை கொண்டும், பால், தயிர், பன்னீரை கொண்டு பிரதோஷ சிறப்பு அபிஷேகம் நடைபெற்றது. இந்த பிரதோஷ வழிபாட்டில் மகாலட்சுமி சிவகாமி தாயாருக்கும், அதிகார நந்தீஸ்வருக்கும், நாகராஜனுக்கும் மற்றும் சிவனுக்கும் அரளி பூ, செம்பருத்தி பூ, மல்லிகைப்பூ, ஜாதி பூ, தாமரைப்பூ ஆகிய பூக்களை கொண்டும், சிவனுக்கு 108 லிட்டர் பாலினால் அபிஷேகமும் செய்யப்பட்டது .

பிரதோஷ நாளில் 48 நாட்கள் பூஜை செய்த விபூதியை வைத்து அபிஷேகம் செய்யும்போது சிவலிங்கத்தை வழிபட்டால் மழை பொழியும் என்பது பொதுமக்களின் நம்பிக்கையாக உள்ளதாக கோயில் அர்ச்சகர் மகா ஸ்ரீராஜன் தெரிவித்தார் . மேலும் சிவனின் அருளும், நந்தீஸ்வரர் அருளும் கிடைக்கும் என்றும், மகாலட்சுமி கோயிலில் வழிபாடு செய்வதன் மூலம் நல்ல செல்வாக்கு கிடைக்கும் எனவும், நினைத்த காரியங்கள் நிறைவேறும் என்பதும், பெண்களுக்கு நன்மைகள் கிடைத்து தொழில் வளர்ச்சி அடைவார்கள் என்பதும் இப்பகுதி மக்களின் நம்பிக்கையாக உள்ளது.

உங்கள் ஊர் செய்திகளை வீடியோவாக பெற கிளிக் செய்க

இந்த கோயிலுக்கு வரும் பக்தர்களுக்கு பிரசாதங்கள் வழங்கப்பட்டன. பூஜைக்கான ஏற்பாடுகளை மகா ஸ்ரீராஜன் செய்திருந்தார். ஒவ்வொரு பிரதோஷ தினத்தன்றும், அதிகமான பக்தர்கள் இக்கோயிலில் வழிபாடு நடத்தி செல்வது வழக்கமாக காணப்படும் நிலையில் தை மாத பிரதோஷ தினத்தில் பங்கேற்பதற்காக பெரியகுளம் சுற்றுவட்டார பகுதியில் உள்ள ஏராளமான பொதுமக்கள் கலந்துகொண்டனர்.