தேனி | உத்தம்பாளையத்திலுள்ள கல்லூரியில் நடைபெற்ற ஸ்கேட்டிங் போட்டி- மாணவ, மாணவிகள் 500 பேர் பங்கேற்பு

தேனி மாவட்டம் உத்தமபாளையம் பகுதியில் உள்ள ஹாஜி கருத்த ராவுத்தர் ஹவுதியா கல்லூரியில் ஸ்பீடு ரோலர் ஸ்கேட்டிங் போட்டி நடைபெற்றதில் ஏராளமான மாணவ மாணவிகள் பங்கேற்றனர்.

ரோலர் ஸ்கேட்டிங் போட்டி

மதுரை காமராஜர் பல்கலைக்கழக கல்லூரிகளுக்கு இடையிலான (Speed Roller Skating Competition) ஸ்பீடு ரோலர் ஸ்கேட்டிங் போட்டி, தேனி மாவட்டம் உத்தமபாளையம் பகுதியில் உள்ள ஹாஜி கருத்த ராவுத்தர் ஹவுதியா கல்லூரியின்உள்விளையாட்டு அரங்கிலும், கல்லூரி வளாகத்திலும் நடைபெற்றது.

ஆண்களுக்கு ஆறு பிரிவுகளிலும் பெண்களுக்கு ஆறு பிரிவுகளிலும் தனித்தனியாக நடைபெற்ற இந்த போட்டியில் தேனி, திண்டுக்கல், மதுரை, விருதுநகர் மாவட்டங்களை சார்ந்த கல்லூரிகளிலிருந்து 500க்கும் மேற்பட்ட மாணவ, மாணவிகள் கலந்து கொண்டனர்.

ஸ்கேட்டிங்கில் மாணவர்கள்

கிராமப்புற பகுதியில் உள்ள மாணவர்களுக்கு ஸ்கேட்டிங் ஆர்வத்தை அதிகரிக்க வேண்டும் என்ற நோக்கத்தோடு உத்தம்பாளையம் பகுதியில் உள்ள கல்லூரியில் ஸ்கேட்டிங் நடத்தப்பட்டதாக கல்லூரியின் முதல்வர் முகமது மீரான் தெரிவித்தார். உத்தமபாளையம் கல்லூரியில் நடைபெற்ற ஸ்கேட்டிங் போட்டியில் ஏராளமான மாணவ, மாணவிகள் ஆர்வத்துடன் கலந்து கொண்டனர்.

இப்போட்டியின் தொடக்கமாக கல்லூரியின் தாளாளர் மற்றும் செயலர் ஹாஜி எம். தர்வேஷ் முகைதீன் மற்றும் கல்லூரி ஆட்சி மன்றக் குழு தலைவர் ஜனாப் எஸ்.செந்தால் மீரான் மற்றும் கல்லூரி முதல்வர் முனைவர் ஹாஜி எச்.முகமது மீரான் மற்றும் கல்லூரி மேலாண்மைக் குழு உறுப்பினர்கள் மற்றும் நிறுவனர் குடும்பத்தினர், முன்னாள் கல்லூரி முதல்வர்கள், முன்னாள் உடற்கல்வி இயக்குனர் மற்றும் ஆசிரியர் மற்றும் மாணவ, மாணவிகள் மற்றும் கல்லூரி உடற்கல்வி இயக்குனர் முனைவர் பா. அக்பர் அலி ஆகியோர் கலந்துகொண்டு போட்டியாளர்களை ஊக்குவித்து போட்டியை சிறப்பாக தொடங்கி வைத்தனர்.

வெற்றி பெற்ற மாணவர்கள்

விறுவிறுப்பாக நடைபெற்ற ஆடவர் பிரிவின் இறுதியில் ரோடு ரேஸ் -1 லேப் ஸ்பிரின்ட் போட்டியில் ஹாஜி கருத்த ராவுத்தர் ஹவுதியா கல்லூரி மாணவர் ஆர். ஜெய பாலாஜி முதலிடம் பிடித்தார். ரோடு ரேஸ் -100 மீட்டர் ஸ்பிரின்ட் போட்டியில் அமேரிக்கன் கல்லூரியை சேர்ந்த எஸ். ஆதிஷ் முதலிடம் வகிக்கித்தார்.

ரோடு ரேஸ்-10,000 மீட்டர் பாயிண்ட் ரேஸ் போட்டியில் தியாகராசர் கல்லூரியைச் சார்ந்த மாணவர் சி. ராகுல் கண்ணன் முதலிடம் பிடித்தார். ட்ராக் ரேஸ்-500+டீ மீட்டர் போட்டியில் அமெரிக்கன் கல்லூரியைச் சார்ந்த டி.எஸ். தினேஷ் முதலிடத்தை பிடித்துள்ளார்.

ட்ராக் ரேஸ் -1000 மீட்டர் ஸ்பிரின்ட் போட்டியில் விவேகானந்தர் கல்லூரி மாணவர் எஸ்.காளிராஜ் முதலிடம் பிடித்தார். ட்ராக் ரேஸ் -10000 மீட்டர் பாயிண்ட்+எலிமிநேசன் போட்டியில் சுபலட்சுமி(லட்சுமி பட்டி) கல்லூரி மாணவர் எம். பால கணேஷ் முதலிடம் பிடித்தார்.

ரேஷன் கடைகளில் ஏற்படும் சர்வர் பிரச்னைகள்- தேனியில் போராட்டத்தில் இறங்கிய கூட்டுறவு சங்க ஊழியர்கள்

பெண்களுக்கான பிரிவில் ட்ராக் ரேஸ் -500+டீ மீட்டர் போட்டியில் ஸ்ரீ மீனாட்சி அரசு கலைக் கல்லூரி மாணவி ஏ.நாக ஸ்ரீ கிரண் முதலிடம் பிடித்தார். ட்ராக் ரேஸ் -1000 மீட்டர் ஸ்பிரின்ட் போட்டியில் வி.எச்.என்.எஸ்.என் கல்லூரி மாணவி என்.இந்துஜா முதலிடம் பிடித்தார். போட்டி நிறைவு பகுதியில் வெற்றிப் பெற்ற மாணவ, மாணவிகளுக்கு கல்லூரியின் தாலாளர் மற்றும் செயலர் ஹாஜி எம்.தர்வேஷ் முகைதீன் மற்றும் கல்லூரி ஆட்சி மன்றக் குழு தலைவர் ஜனாப் எஸ்.செந்தால் மீரான் மற்றும் கல்லூரி முதல்வர் முனைவர் ஹாஜி எச்.முகமது மீரான் மற்றும் கல்லூரி மேலாண்மைக் குழு உறுப்பினர்கள் மற்றும் கல்லூரி உடற்கல்வி இயக்குனர் முனைவர் பா.அக்பர் அலி ஆகியோர் கலந்துகொண்டு பரிசுகளை வழங்கி வாழ்த்துகளை தெரிவித்தனர்.