வாரத்திற்கு பத்தாயிரம் கிலோ தர்பூசணி விற்பனை.. கம்பம் கடைகளில் அலைமோதும் மக்கள்!

வெயிலின் தாக்கம் மதிய வேலைகளில் அதிகமாக இருக்கும் சூழலில் தேனி மாவட்டத்தில் தர்பூசணி விற்பனை அமோகமாக நடைபெற்று வருகிறது. கம்பம் பகுதியில் கடை ஒன்றுக்கு தினசரி 1000 கிலோ முதல் 2000 கிலோ விற்பனை ஆவதால் தர்பூசணி உரிமையாளர்கள் மிகுந்த மகிழ்ச்சி உள்ளனர்.

தர்பூசணி விற்பனை :-

கோடை காலங்களில் இயல்பாகவே தட்ப வெப்ப நிலை அதிகமாக இருப்பதால், மக்கள் அதிகம் தர்பூசணி, இளநீர், குளிர்பானங்கள் போன்றவற்றை பயன்படுத்த தொடங்குவதால் இவற்றின் விற்பனை அதிகரிக்கும்.

ஏப்ரல் மாதம் தொடங்கிய நிலையில் வெயிலின் தாக்கம் தற்போது அதிகரித்து வருகிறது. இதர நீர் பழங்களின் விற்பனை அதிகரித்தாலும் தேனி மாவட்டத்தில் தர்பூசணி விற்பனை அதிகரிக்கத் தொடங்கியுள்ளது.

ALSO READ | தேனி கண்ணகி கோவில் வழிபாடு.. இந்து சமய அறநிலையத்துறையே நடத்த வேண்டி மனு !

தேனி மாவட்டம் கம்பம் சுற்று வட்டார பகுதிகளில் வெயிலின் தாக்கம் அதிகமாக இருப்பதால், மதிய வேளைகளில் கடுமையான வெப்பநிலை நிலவுகிறது. இதனால் தேனி மாவட்டத்தில் கம்பம் சின்னமனூர், கூடலூர் மற்றும் மாவட்டம் முழுவதிலும் உள்ள பல பகுதிகளில் தர்பூசணி விற்பனை அதிகரிக்கத் தொடங்கி உள்ளதால், தர்பூசணி வியாபாரிகள் சாலை ஓரங்களில் கடைகளை போட்டு வியாபாரம் நடத்தி வருகின்றனர்.

தர்பூசணி வியாபாரிகள் திண்டிவனம் மற்றும் விழுப்புரம் மாவட்டங்களில் இருந்து தர்பூசணி இறக்குமதி செய்து விற்பனை செய்து வருகின்றனர். கிலோ 20 ரூபாய்க்கும், மொத்தமாக விற்கும்போது கிலோ 14 ரூபாய்க்கு விற்பனை ஆவதாக கூறுகின்றனர். சில்லரை விற்பனையில் ஒரு பீஸ் தண்ணீர் பழம் 10ரூபாய்க்கு விற்பனை ஆவதாகவும் கூறுகின்றனர்.

நாள் ஒன்றுக்கு 2000 கிலோ தர்பூசணி ஒரு கடையில் மட்டும் விற்பனை ஆவதாக தர்பூசணி வியாபாரி கூறினார். மேலும் ஒரே வாரத்தில் பத்தாயிரம் கிலோ வரை தர்பூசணி விற்பனையாவதாக கூறுகிறார் கம்பத்தை சேர்ந்த தர்பூசணி வியாபாரி.தற்போதை கோடை காலம் தொடங்கி விட்டதால் , தர்பூசணி விற்பனை கம்பம் சுற்றுவட்டாரப் பகுதிகளில் சூடு பிடித்துள்ளது என்கின்றனர் தர்ப்பூசணி வியாபாரிகள்.