விஜய் சேதுபதி பிறந்தநாளை முன்னிட்டு விளையாட்டை ஊக்குவிக்கும் வகையில் கம்பம் நகரில் கிரிக்கெட் போட்டி...

தேனி மாவட்டம் கம்பம் நகரில் நடிகர் விஜய் சேதுபதி பிறந்தநாளை முன்னிட்டு விஜய் சேதுபதி மக்கள் இயக்கம் சார்பில் தென்மாநில அளவிலான கிரிக்கெட் போட்டி நடைபெற்றது.

இன்றைய காலகட்டத்தில் பெரும்பாலான இளைஞர்கள் செல்போன், மது போதை இதர போதை பழக்கங்களில் மூழ்கியுள்ள நிலையில் இருந்து இளைஞர்களை விடுவிக்கும் விதமாக நடிகர் விஜய் சேதுபதி மக்கள் இயக்கத்தின் சார்பில் SAY NO TO DRUGS, SAY YES TO SPORTS என்ற வாசகத்தினை மையமாகக் கொண்டு இந்த போட்டி நடத்தப்பட்டது.

நான்கு நாட்களாக தொடர்ந்து நடைபெற்ற இந்த போட்டியில் தமிழகம் மற்றும் கேரளா மாநிலத்தைச் சேர்ந்த 24 அணியினர் கலந்து கொண்டனர். போட்டிக்கு முதல் பரிசாக ரூ.50,000 மற்றும் பரிசுக்கோப்பை, இரண்டாம் பரிசாக ரூ.30,000 மற்றும் பரிசு கோப்பை, மூன்றாம் பரிசாக ரூ. 15,000 நிர்ணயம் செய்யப்பட்டு இருந்தது.

உங்கள் ஊர் செய்திகளை வீடியோவாக பெற கிளிக் செய்க

இதில் இறுதிப் போட்டியில் தேனி மாவட்டத்தை சேர்ந்த கம்பம் சத்தியமூர்த்தி நினைவு அணியினர் முதல் இடமும், கேரளா மாநிலம் இடுக்கி மாவட்டத்தைச் சேர்ந்த ஸ்கை கிட்டர்ஸ் அணியினர் இரண்டாம் இடத்தையும், திருப்பூர் மாவட்டத்தைச் சேர்ந்த மேக்ஸிமஸ் அணியினர் மூன்றாம் இடத்தையும் பிடித்து வெற்றி பெற்றனர்.

போட்டியில் வெற்றி பெற்ற அணியினருக்கும் சிறந்த ஆட்டநாயகன் மற்றும் சிறப்பு அணியினருக்கும் ரொக்கப் பரிசு மற்றும் கோப்பையை கம்பம் நகர மன்ற தலைவர் வனிதா நெப்போலியன், ஆர்.ஆர் இன்டர்நேஷனல் பள்ளி செயலர் அசோக்குமார், மியூசிக் ஸ்டார் செந்தில்நாதன் வழங்கினர். இந்த போட்டிக்கான ஏற்பாடுகளை தேனி மாவட்ட விஜய் சேதுபதி மக்கள் இயக்கத்தினர் செய்திருந்தனர்.