குட்டீஸ்களுக்கு ஹேப்பி நியூஸ்.. தஞ்சாவூர் அருங்காட்சியகத்தில் ரயில் சேவை..

தஞ்சாவூர் நகரின் மையப் பகுதியில் இருக்கும் பழமையான பழைய ஆட்சியர் அலுவலக கட்டிடத்தை பாதுகாத்து அருங்காட்சியமாக மாற்ற மாவட்ட கலெக்டர் தினேஷ் பொன்ராஜ் ஆலிவர் முடிவு செய்தார்.

அதன்படி ஸ்மார்ட் சிட்டி திட்டத்தின் கீழ் நிதி ஒதுக்கப்பட்டு அருங்காட்சியகம் அமைக்கும் பணி நடந்தது. கலெக்டர் முயற்சியால் இந்த அருங்காட்சியகம் புதுப்பொலிவு பெற்றது. கடந்த ஜனவரி மாதம் இந்த அருங்காட்சியகத்தை கலெக்டர் தினேஷ் பொன்ராஜ் ஆலிவர் முன்னிலையில் பள்ளிக்கல்வித்துறை அமைச்சர் அன்பில் மகேஷ் பொய்யாமொழி திறந்து வைத்தார்.

இதில், வேளாண்துறை சார்பில் பழமையான வேளாண் கருவிகள், தஞ்சாவூர் தலையாட்டி பொம்மை உள்ளிட்ட புவிசார் குறியீடு பெற்ற பொருட்கள் மற்றும் தலைக் காவிரி முதல் பூம்புகார் வரை காவிரி ஆறும், அதன் கிளை ஆறுகளின் செயல்பாடுகள் குறித்த செயற்கை முறையில் தத்ரூபமான காட்சிகள், அரியவகை பறவைகள் பூங்கா 7டி திரையரங்கம் உள்ளிட்ட பல்வேறு அம்சங்கள் உள்ளன.

தஞ்சாவூர் அருங்காட்சியகத்தில் ரயில் சேவை

இதையும் படிங்க : சித்திரை மாத அமாவாசை.. ராமேஸ்வரம் அக்னி தீர்த்த கடற்கரையில் குவிந்த பக்தர்கள்..

தற்போது மாவட்ட ஆட்சியர் அலுவலகம் நம் பாரம்பரியத்தையும் கலாச்சாரத்தையும் நேரில் பார்ப்பது போன்ற உணர்வை ஏற்படுத்தி புது பொலிவு பெற்று பொதுமக்கள் மற்றும் சுற்றுலா பயணிகள் இடையே பெரும் வரவேற்பை பெற்று வரும் இந்த நிலையில் அருங்காட்சியகத்தில் கூடுதல் அம்சமாக குழந்தைகள் விளையாடி பொழுதை போக்குவதற்கு ரயில் சேவை ஆட்சியரால் தொடங்கப்பட்டது.

இன்னும் சில நாட்களில் பள்ளி தேர்வு முடிந்து கோடை விடுமுறை வரவுள்ளது. தொடர் விடுமுறை நாட்கள் என்பதால் ஏராளமானோர் தங்களது குழந்தைகளை அருங்காட்சியகத்திற்கு அழைத்து வருவர் என எதிர்பார்க்கப்படுகிறது. இதனால் தற்போது ரயில் சேவை தொடங்கப்பட்டுள்ளதால் குழந்தைகளுக்கு மிகவும் பயனுள்ளதாக அமைந்துள்ளது. இந்த ரயில் சேவைக்கு சிறியவர்களுக்கு பத்து ரூபாயும் பெரியவர்களுக்கு 20 ரூபாயும் கட்டணமாக வசூலிக்கப்படுகிறது.

உங்கள் ஊர் செய்திகளை வீடியோவாக பெற கிளிக் செய்க

இந்த ரயில் அருங்காட்சியகத்தை மட்டும் சுற்றி வலம் வரும் வருகிறது.. வரும் நாட்களில் அருங்காட்சியகத்தின் பின்புறம் உள்ள பறவைகள் பூங்காவிற்கும் செல்லும் என கூறப்படுகிறது.