அரசியல்வாதி லுக்கில் வடிவேலு... வாளுடன் உதயநிதி.. மாஸ்காட்டும் மாமன்னன் ஃபர்ஸ்ட்லுக்

பரியேறும் பெருமாள், கர்ணன் ஆகிய படங்களைத் தொடர்ந்து இயக்குநர் மாரி செல்வராஜ் தற்போது இயக்கியுள்ள திரைப்படம் மாமன்னன். உதயநிதி ஸ்டாலின் நாயகனாக நடிக்கும் இப்படத்தை அவரின் ரெட்ஜெண்ட் மூவிஸ் நிறுவனமே தயாரிக்கிறது. கீர்த்தி சுரேஷ் இதில் ஹீரோயினாக நடிக்கிறார்.

முக்கியக் கதாபாத்திரத்தில் ஃபஹத் பாசில், வடிவேலு ஆகியோர் நடிக்கின்றனர். மாமன்னன் படத்துக்கு ஏ.ஆர்.ரஹ்மான் இசையமைக்க, தேனி ஈஸ்வர் ஒளிப்பதிவு செய்துள்ளார்.

ஏற்கனவே மாரி செல்வராஜ் இயக்கத்தில் வெளிவந்த பரியேறும் பெருமாள், கர்ணன் ஆகிய படங்கள் அழுத்தமான கதைகள் கொண்டதாக அமைந்தன. அந்த வகையில் மாமன்னன் படமும் தமிழ் சினிமாவில் முக்கியமான படமாக அமையும் என்று எதிர்பார்க்கப்படுகிறது.

#MAAMANNAN @mari_selvaraj @arrahman #Vadivelu @KeerthyOfficial #FahadhFaasil @thenieswar @editorselva @dhilipaction @kabilanchelliah @kalaignartv_off @MShenbagamoort3 @teamaimpr pic.twitter.com/E3mPZipl1T

— Udhay (@Udhaystalin) April 30, 2023

இந்த நிலையில் மாமன்னன் படத்தின் ஃபர்ஸ்ட் லுக் போஸ்டர் வெளியாகியுள்ளது. அதில், அரசியல்வாதி லுக்கில் வடிவேலு வேஷ்டி, சட்டையுடன் கையில் துப்பாக்கியுடன் உள்ளார். அவருக்கு அருகில் உதய்நிதி ஸ்டாலின் கையில் வாளுடன் உட்கார்ந்துள்ளார். இந்தப் போஸ்டர் ரசிகர்களிடையே வரவேற்பைப் பெற்றுள்ளது.