ஏப்.8-ல் தமிழகம் வரும் பிரதமர் மோடி - சென்னை - கோவை இடையே வந்தே பாரத் ரயில் சேவை தொடங்கி வைக்கிறார்!

இந்தியாவின் அதிவேக ரயில் சேவையான வந்தே பாரத் ரயிலின் அடுத்தக்கட்ட சேவை சென்னை - கோவை இடையே தொடங்கப்படவுள்ளது. இந்த ரயில் சேவையைத் தொடங்கி வைக்கப் பிரதமர் நரேந்திர மோடி ஏப்ரல் 8 ஆம் தேதி தமிழ்நாட்டிற்கு உள்ளார்.

இந்தியாவின் அதிவேக ரயில் எனப் புகழப்படும் வந்தே பாரத் ரயில் சேவைக்கு, தொடங்கப்பட்ட அத்தனை இடங்களிலும் நல்ல வரவேற்பைப் பெற்றுள்ளது. குறிப்பாக, அண்மையில் சென்னை சென்ட்ரல் - மைசூர் இடையே தொடங்கப்பட்ட வந்தே பாரத் ரயில் சேவையைப் பயணிகள் பாராட்டி வருகின்றனர்.

இந்த பயன்பாட்டை மேலும் அதிகரிக்கும் வகையில், சென்னை சென்ட்ரல்- கோவை வரை வந்தே பாரத் ரயில் சேவை வழங்க தெற்கு ரயில்வே முடிவு செய்துள்ளது. இந்த நிலையில், இந்த ரயில் சேவையை ஏப்ரல் 8 ஆம் தேதி பிரதமர் மோடி தொடங்கி வைக்கிறார். மேலும், தாம்பரம் - செங்கோட்டை ரயில் சேவையை பிரதமர் மோடி தொடங்கி வைக்கிறார்.

Also Read : வரும் நிதியாண்டில் ரூ.14 ஆயிரம் கோடி ரூபாய் பயிர்க்கடன் வழங்க இலக்கு: எம்.ஆர்.கே. பன்னீர்செல்வம் அறிவிப்பு

இதே போன்று, திருத்துறைப்பூண்டி - அகஸ்தியம்பள்ளி ரயில் சேவையையும் பிரதமர் தொடங்கி வைக்க உள்ளார். சென்னை விமான நிலையத்தில் புதிய கட்டிடத்தைத் திறந்து வைக்க இம்மாதம் 27 ஆம் தேதி பிரதமர் வர இருப்பதாகத் தகவல் வெளியான நிலையில், ஏப்ரல் மாதம் வருவதாக உறுதியாகியுள்ளது.