அமித்ஷா, இபிஎஸ் சந்திப்பை வைத்து கூட்டணியை யூகிக்கலாம்... அண்ணாமலை சூசகம்

மெட்ரோ ஒப்பந்தம் தொடர்பாக முதலமைச்சர் மு.க.ஸ்டாலின் மீது சிபிஐ-யில் புகார் அளித்துள்ளதாக தமிழக பாஜக தலைவர் அண்ணாமலை தெரிவித்துள்ளார்.

சென்னை நடுக்குப்பத்தில் 'மனதின் குரல் ' நிகழ்ச்சியின் 100வது பதிப்பை, தமிழக பாஜக தலைவர் அண்ணாமலை, துணைத்தலைவர் நயினார் நாகேந்திரன் உள்ளிட்டோர் மீனவ மக்களுடன் அமர்ந்து பார்த்தனர். அதனைத் தொடர்ந்து, மனதின் குரல் நிகழ்ச்சியில் பிரதமர் மோடியின் உரைகள் அடங்கிய நூல் வெளியிடப்பட்டது.

இதையும் படிங்க: மனதின் குரல் 100: பெண் சிசு கொலைகளை தடுக்க 'செல்ஃபி வித் டாட்டர்' திட்டம் - பாராட்டிய மோடி

இதனையடுத்து மேடையில் பேசிய அண்ணாமலை, அதிமுக கூட்டணி குறித்த கேள்விக்கு, அமித்ஷா-ஈபிஎஸ் சந்திப்பை வைத்து ஊகித்துக் கொள்ளலாம் என பதிலளித்தார். தமிழ்நாட்டில் அதிமுகதான் பெரிய கட்சி என்றாலும், நாடாளுமன்ற தேர்தலில் கூட்டணியின் முகம் பிரதமர் மோடி தான் என தெரிவித்தார்.