IPL Qualifier 2 : மும்பைக்கு எதிரான ஆட்டத்தில் குஜராத் அணி பேட்டிங்!!

குஜராத் அணிக்கு எதிரான குவாலிபையர் 2 போட்டியில் டாஸ் வென்ற மும்பை அணி பந்துவீச்சை தேர்வு செய்துள்ளது. இதையடுத்து குஜராத் அணியின் பேட்ஸ்மேன்கள் களத்தில் இறங்கியுள்ளது. இந்த போட்டியில் வெற்றி பெறும் அணி ஞாயிறன்று நடைபெறவுள்ள இறுதிப் போட்டியில் சென்னை அணியுடன் மோதும்.

குவாலிபையர் 2 போட்டி உள்ளூரில் நடைபெறுவதால், குஜராத் அணிக்கு ரசிகர்களின் ஆதரவு அதிகம் இருக்கும். அதே நேரம் சென்னை அணிக்கு எதிரான மேட்சில் 172 ரன்கள் குறைவான ஸ்கோரையே சேஸிங் செய்ய முடியாமல் குஜராத் அணி தோல்வியடைந்துள்ளது. மும்பை அணியை பொருத்தவரையில் எலிமினேட்டர் சுற்றில் லக்னோ அணியை வீழ்த்திய உற்சாகத்துடன் இன்று களம் காண்கிறது. குஜராத் அணியின் பேட்டிங் வரிசை பலமாக இருந்தாலும், கடந்த போட்டியில் கேப்டன் ஹர்திக் பாண்ட்யாவின் தவறான சில முடிவுகளால் அணி தோல்வியை தழுவியது. ஒப்பீட்டளவில் இரு அணிகளும் சம பலம் மிக்கவையாக இருந்தாலும் களத்தில் இன்று சிறப்பான ஆட்டத்தை வெளிப்படுத்தும் அணியே வெற்றி பெறும்.

இன்றைய போட்டியில் விளையாடும் குஜராத் டைட்டன்ஸ் அணி வீரர்கள்: ரிதிமான் சாஹா (விக்கெட்கீப்பர்), ஷுப்மான் கில், சாய் சுதர்சன், விஜய் சங்கர், ஹர்திக் பாண்டியா (கேப்டன்), டேவிட் மில்லர், ராகுல் தெவாடியா, ரஷித் கான், மோகித் சர்மா, நூர் அகமது, முகமது ஷமி

மும்பை இந்தியன்ஸ் : இஷான் கிஷன்(விக்கெட் கீப்பர்), ரோஹித் சர்மா(கேப்டன்), கேமரூன் கிரீன், சூர்யகுமார் யாதவ், திலக் வர்மா, டிம் டேவிட், கிறிஸ் ஜோர்டான், பியூஷ் சாவ்லா, ஜேசன் பெஹ்ரன்டோர்ஃப், குமார் கார்த்திகேயா, ஆகாஷ் மத்வால்