IPL 2023 : லக்னோவுக்கு எதிரான போட்டியில் கொல்கத்தா அணி வெற்றி பெற 177 ரன்கள் இலக்கு…

ஐபிஎல் கிரிக்கெட் தொடரில் லக்னோ அணிக்கு எதிரான போட்டியில் கொல்கத்தா நைட் ரைடர்ஸ் அணி வெற்றி பெற 177 ரன்கள் இலக்காக நிர்ணயிக்கப்பட்டுள்ளது. லக்னோ சூப்பர் ஜெயன்ட்ஸ் மற்றும் கொல்கத்தா நைட் ரைடர்ஸ் அணிகள் மோதும் போட்டி கொல்கத்தா ஈடன் கார்டன் மைதானத்தில் நடைபெற்று வருகிறது. இந்த போட்டியில் டாஸ் வென்ற கொல்கத்தா அணியின் கேப்டன் நிதிஷ் ராணா பந்துவீச்சை தேர்வு செய்தார்.

இதையடுத்து லக்னோ அணியின் தொடக்க வீரர்களாக கரண் சர்மா மற்றும் குவின்டன் டி காக் ஆகியோர் களத்தில் இறங்கினர் 5 பந்துகளில் 3 ரன்கள் எடுத்து கரன் சர்மா ஆட்டமிழந்தார். சிறிது நேரம் தாக்குப் பிடித்த குவின்டன் டி காக் 28 ரன்னில் ஆட்டமிழக்க அடுத்து வந்த ப்ரேரக் மன்கட் 26 ரன்கள் சேர்த்தார். மிடில் ஆர்டர் வரிசையில் ஆயுஷ் பதோனி மற்றும் நிகோலஸ் பூரன் ஆகியோர் ரன் குவிப்பில் ஈடுபட்டனர். பதோனி 21 பந்துகளில் 25 ரன்களும், பூரன் 30 பந்துகளில் 5 சிக்சர் மற்றும் 4 பவுண்டரியுடன் 58 ரன்களை அதிரயாக சேர்த்தார்.

அடுத்து வந்த கிருஷ்ணப்பா கவுதம் 11 ரன்னும், ரவி பிஷ்னோய் மற்றும் நவீன் உல் ஹக் ஆகியோர் தலா 2 ரன்களும் எடுக்க 20 ஓவர்கள் முடிவில் 8 விக்கெட் இழப்புக்கு லக்னோ அணி 176 ரன்கள் எடுத்தது. இதையடுத்து 177 ரன்கள் எடுத்தால் வெற்றி என்ற இலக்கை நோக்கி கொல்கத்தா அணி பேட்ஸ்மேன்கள் களத்தில் இறங்கியுள்ளனர்.