IPL 2023 : சேப்பாக்கத்தில் நடைபெறும் ப்ளே ஆஃப் போட்டிக்கான டிக்கெட்டை பெறுவது எப்படி?

சென்னை சேப்பாக்கத்தில் நடைபெறவுள்ள ஐபிஎல் ப்ளே ஆஃப் போட்டிகளுக்கான டிக்கெட் விற்பனை குறித்த அதிகாரப்பூர்வ தகவல் வெளியிடப்பட்டுள்ளது. பரபரப்பாக நடைபெற்று வரும் ஐபிஎல் கிரிக்கெட் தொடர் இறுதிக் கட்டத்தை எட்டியுள்ளது. இன்னும் சில போட்டிகள் மட்டுமே மீதம் உள்ள நிலையில் அடுத்ததாக அதிக வெற்றிகளைப் பெற்ற முதல் 4 அணிகள் பங்கேற்கும் ப்ளே ஆஃப் சுற்று தொடங்கவுள்ளது.இந்த தொடரில் குஜராத் டைட்டன்ஸ் முதல் அணியாக ப்ளே ஆஃப் சுற்றுக்குள் நுழைந்துள்ளது. 13 போட்டிகளில் விளையாடியுள்ள அந்த அணி 9 போட்டிகளில் வெற்றி பெற்று 18 புள்ளிகளுடன் முதலிடத்தில் உள்ளது. தொடரிலிருந்து டெல்லி மற்றும் பஞ்சாப் அணிகள் வெளியேறியுள்ளன. மற்ற 7 அணிகளுக்கு இடையே ப்ளே ஆஃப் சுற்றுக்கான போட்டி நடந்து வருகிறது. குறிப்பாக பெங்களூரு, கொல்கத்தா, பஞ்சாப் மற்றும் ராஜஸ்தான் அணிகள் 12 புள்ளிகளைப் பெற்று சமநிலையில் இருக்கின்றன.

இதையும் படிங்க - IPL 2023 : 49 ரன்னில் ரிட்டயர்ட் ஹர்ட்டான க்ருணல் பாண்ட்யா… சந்தேகம் எழுப்பும் நெட்டிசன்கள்

முதல் 4 இடங்களைப் பெறும் அணி ப்ளே ஆஃப் சுற்றுக்கு தகுதி  பெறும். இதில், முதல் 2 இடங்களைப் பெறும் அணிகள் மோதும் போட்டி வரும் 23 ஆம்தேதி சென்னை சேப்பாக்கத்தில் நடைபெறவுள்ளது. இதில் வெற்றி பெறும் அணி நேரடியாக இறுதிப் போட்டிக்கு முன்னேறும். இதேபோன்று பாயின்ட்ஸ் டேபிளில் 3 மற்றும் 4 ஆவது இடத்தை பிடிக்கும் அணிகள் மோதும் போட்டியும் 24 ஆம் தேதி சேப்பாக்கத்தில் நடைபெறுகிறது. இதில் தோல்வியடையும் அணி வெளியேறிவிடும். வெற்றி பெறும் அணி, 1 மற்றும் 2 ஆவது இடத்தில் உள்ள அணிகள் மோதிய போட்டியில் தோல்வியடைந்த அணியுடன் மோதும். 24 ஆம் தேதி நடைபெறும் மேட்ச்சில் வெற்றி பெறும் அணி இறுதிப் போட்டிக்கு முன்னேறும்.

இதையும் படிங்க  - IPL 2023 : ப்ளே ஆஃப் வாய்ப்பை தக்க வைக்குமா பஞ்சாப் அணி? டெல்லி கேபிடல்சுடன் மோதல்

இவற்றில்  சென்னை சூப்பர் கிங்ஸ் விளையாடுவதற்கான வாய்ப்புகள் தற்போது வரை உள்ளன. இந்நிலையில், இந்த மேட்ச்சிற்கான டிக்கெட்டுகள் அனைத்தும் ஆன்லைனில் தான் விற்பனையாகும் என்று சென்னை சூப்பர் கிங்ஸ் அணி நிர்வாகம் அறிவித்துள்ளது. சேப்பாக்கம் மைதானத்தில் இதுவரை நடைபெற்ற ஏழு லீக் போட்டிகளுக்கும் நேரடியாக  கவுண்டர் மூலமாகவும், ஆன்லைன் மூலமாகவும் விற்பனை செய்யப்பட்டது. ஆனால் பிளே ஆஃப் போட்டிகளுக்கான டிக்கெட் விற்பனை ஆன்லைனில் மட்டுமே விற்பனை செய்யப்படும் என சி.எஸ்.கே அணியின் நிர்வாக இயக்குநர் காசி விஸ்வநாதன் தகவல் அளித்துள்ளார். இன்னும் ஓரிரு நாட்களில் டிக்கெட் விற்பனை தேதியை ஐ.பி.எல். நிர்வாகம் வெளியிடும் என தகவல்கள் வெளிவந்துள்ளன.