IPL 2023 : டெல்லி அணி வெற்றி பெற 175 ரன்கள் இலக்கு நிர்ணயித்தது ஆர்.சி.பி.

ஐபிஎல் கிரிக்கெட் தொடரில் இன்று நடைபெற்று வரும் ஆட்டத்தில் டெல்லி அணி வெற்றி பெற பெங்களூரு அணி 175 ரன்கள் இலக்காக நிர்ணயித்துள்ளது. இதுவரை விளையாடிய 4 போட்டிகளிலும் டெல்லி அணி தோல்வியடைந்துள்ள நிலையில், இந்த போட்டியில் வெற்றி பெறுமா என்ற எதிர்பார்ப்பு ரசிகர்கள் மத்தியில் ஏற்பட்டுள்ளது.

டாஸ் வென்ற டெல்லி அணி கேப்டன் வார்னர் பந்துவீச்சை தேர்வு செய்தார். இதையடுத்து விராட் கோலி – ஃபாஃப் டூப்ளசிஸ் களத்தில் இறங்கி அணிக்கு நல்ல தொடக்கத்தை ஏற்படுத்தினர். அணி 42 ரன்கள் எடுத்திருந்தபோது 22 ரன்களுடன் டூப்ளசிஸ் வெளியேறினார். தொடர்ந்து சிறப்பாக விளையாடிய விராட் கோலி 34 பந்துகளில் அரைச்சதம் அடித்து ஆட்டமிழந்தார். அடுத்து வந்த மஹிபால் லோம்ரோர் 26 ரன்களும், கிளென் மேக்ஸ் வெல் 24 ரன்களும் எடுத்தனர்.

ஷாபாஸ் அகமது 20 ரன்களும் அனுஜ் ராவத் 15 ரன்களும் எடுக்க 20 ஓவர்கள் முடிவில் 6 விக்கெட்டுகளை இழந்த பெங்களூரு அணி 174 ரன்களை எடுத்தது. டெல்லி தரப்பில் மிட்செல் மார்ஷ் மற்றும் குல்தீப் யாதவ் ஆகியோர் தலா 2 விக்கெட்டுகளை வீழ்த்தினர். இதையடுத்து 175 ரன்கள் எடுத்தால் வெற்றி என்ற இலக்கை நோக்கி டெல்லி அணியின் பேட்ஸ்மேன்கள் களத்தில் இறங்கியுள்ளனர்.