IPL 2023 : லக்னோவுக்கு எதிராக சென்னை அணி அதிரடி பேட்டிங்… ஜெட் வேகத்தில் உயரும் ஸ்கோர்

லக்னோ அணிக்கு எதிரான ஆட்டத்தில் முதலில் பேட்டிங் செய்து வரும் சென்னை அணி அதிரடியாக ரன் குவித்து வருகிறது. இதனால் அணியின் ஸ்கோர் மளமளவென உயர்ந்து வருகிறது. வழக்கம்போல ருதுராஜ் கெய்க்வாட் அதிரடி ஆட்டத்தில் ஈடுபட்டார்.  ஐபிஎல் கிரிக்கெட் தொடரில் இன்று நடைபெற்று வரும் சென்னை அணிக்கு எதிரான ஆட்டத்தில் டாஸ் வென்ற லக்னோ அணி பவுலிங்கை முதலில் தேர்வு செய்தது. சென்னை அணி தனது முதல் ஆட்டத்தில் குஜராத் அணியிடம் தோல்வியடைந்துள்ள நிலையில், இன்றைய போட்டியில் வெற்றி பெறுமா என்ற எதிர்பார்ப்பில் ரசிகர்கள் உள்ளனர்.

லக்னோ அணிக்கு எதிரான ஆட்டத்தில் சென்னை அணியின் கடந்த போட்டியில் இருந்து எந்த மாற்றமும் செய்யப்படவில்லை. கடந்த போட்டியில் சென்னை அணியின் தொடக்க ஆட்டக்காரர் ருதுராஜ் கெய்க்வாட் அதிரடியாக விளையாடி ரசிகர்களின் கவனத்தை ஈர்த்தார். அதேபோன்ற ஆட்டத்தை இன்றும் வெளிப்படுத்தி வருகிறார். கடந்த போட்டியில் ஏமாற்றம் அளித்த டெவோன் கான்வே லக்னோவுக்கு எதிராக சிறப்பான ஆட்டத்தை வெளிப்படுத்தியுள்ளார். தொடக்க வீரர்கள் இருவரும் அதிரடி ஆட்டத்தில் ஈடுபட்டு வருவதால் சென்னை அணியின் ஸ்கோர் விறுவிறுவென உயர்ந்து வருகிறது. 7 ஓவர்கள் முடிவில் சென்னை அணி 86 ரன்களை குவித்துள்ளது.

சென்னை அணியில் இன்று விளையாடும் வீரர்கள் - டெவோன் கான்வே, ருதுராஜ் கெய்க்வாட், மொயின் அலி, பென் ஸ்டோக்ஸ், அம்பதி ராயுடு, ரவீந்திர ஜடேஜா, எம்.எஸ். தோனி(கேப்டன்), ஷிவம் துபே, மிட்செல் சான்ட்னர், தீபக் சாஹர், ஆர்.எஸ். ஹங்கர்கேகர்.

லக்னோ சூப்பர் ஜெயன்ட்ஸ் அணி வீரர்கள் – கே.எல். ராகுல்(கேப்டன்), கைல் மேயர்ஸ், தீபக் ஹூடா, க்ருனால் பாண்டியா, மார்கஸ் ஸ்டோனிஸ், நிக்கோலஸ் பூரன்(விக்கெட் கீப்பர்), கிருஷ்ணப்பா கவுதம், மார்க் வூட், ரவி பிஷ்னோய், யாஷ் தாக்கூர், அவேஷ் கான்.