IPL 2023 : டெல்லி அணிக்கு எதிரான போட்டியில் சென்னை அணி பேட்டிங்!!

டெல்லி கேபிடல்ஸ் அணிக்கு எதிரான போட்டியில் டாஸ் வென்றுள்ள சென்னை சூப்பர் கிங்ஸ் அணி பேட்டிங்கை தேர்வு செய்துள்ளது. ப்ளே ஆஃப் சுற்றுக்குள் நுழைய இன்றைய ஆட்டத்தில் சென்னை அணி கட்டாயம் வெற்றி பெற வேண்டும் என்பதால் இன்றைய போட்டி ரசிகர்களுக்கு விருந்தாக அமையவுள்ளது. இதில் சென்னை அணி வெற்றி பெற அதிக வாய்ப்புகள் இருந்தாலும், கட்டாயம் வெற்றி பெற வேண்டிய மேட்ச் என்பதால் சிறிது அழுத்தம் காணப்படுகிறது. அதேநேரம் ஏற்கனவே வெளியேறிய அணி என்பதால் டெல்லி கேபிடல்ஸ் எந்த சலனமும் இல்லாமல் இந்த போட்டியை எதிர்கொள்கிறது.

டெல்லி கேப்பிடல்ஸ் அணியில் இன்று விளையாடும் வீரர்கள்- டேவிட் வார்னர்(கேப்டன்), பிலிப் சால்ட், ரிலீ ரோசோவ், யாஷ் துல், அமன் ஹக்கிம் கான், அக்சர் படேல், லலித் யாதவ், குல்தீப் யாதவ், சேத்தன் சகாரியா, கலீல் அகமது, அன்ரிச் நார்ட்ஜே

சென்னை சூப்பர் கிங்ஸ் அணியில் இன்று விளையாடும் வீரர்கள் - ருதுராஜ் கெய்க்வாட், டெவோன் கான்வே, அஜிங்க்யா ரஹானே, அம்பதி ராயுடு, ஷிவம் துபே, மொயீன் அலி, ரவீந்திர ஜடேஜா, எம்எஸ் தோனி, தீபக் சாஹர், துஷார் தேஷ்பாண்டே, மகேஷ் தீக்ஷனா

சென்னை அணி கடைசியாக கடந்த ஞாயிறன்று விளையாடியது. சேப்பாக்கம் மைதானத்தில் நடைபெற்ற அந்த போட்டியில் கொல்கத்தா அணி 6 விக்கெட் வித்தியாசத்தில் வென்றது. இதேபோன்று டெல்லி அணி கடைசியாக நடைபெற்ற போட்டியில் பஞ்சாப் அணியை 15 ரன்கள் வித்தியாசத்தில் வீழ்த்தியுள்ளது.