IPL 2023: ‘தல’ தோனி இல்லாம சிஎஸ்கே என்ட்ரியா.. சான்ஸே இல்லை - ரசிகர்களுக்கு குட்நியூஸ் சொன்ன சிஎஸ்கே நிர்வாகம்

மகேந்திர சிங் தோனி சர்வதேச கிரிக்கெட்டில் இருந்து ஓய்வு பெற்றாலும் தோனியின் தரிசனத்துக்காக இன்னும் ஏங்கிக்கொண்டுதான் இருக்கிறார்கள் அவரது ரசிகர்கள். தோனி கொஞ்சம் வித்யாசமானவர். ஸ்மார்டாக இருக்கும் தல தோனி இந்த ஸ்மார்ட்போன் யுகத்திலும் யாரிடம் சிக்காமல் இருக்கிறார். தோனிக்கு ட்விட்டர், இன்ஸ்டாகிராம் கணக்குகள் இருந்தாலும் அந்தப்பக்கங்களில் பெரிதாக அவர் ஆர்வம் காட்டுவதில்லை.

தோனி கிரிக்கெட் ஆடும் போது எப்போது அவர் ட்ரெஸிங் ரூம் திறந்தே இருக்கும் வீரர்கள் எப்போதும் அவரை அணுகலாம் எனக் கேள்விப்பட்டிருக்கிறோம். கிரிக்கெட்டில் இருந்து ஓய்வு பெற்ற பிறகு தோனியை செல்போனில் பிடிப்பதே அரிது என்கிறார்கள் கிரிக்கெட் வீரர்கள். கோலியே சமீபத்திய பேட்டி ஒன்றில் கூறியிருந்தார். ஃபார்ம் அவுட்டில் கோலி இருந்த காலக்கட்டத்தில் அவருக்கு ஆறுதலான வார்த்தைகளை கூறியது தோனி தானாம். தோனியை பிடிக்க முடியாது ஆனால் அவர்தான் என்னை அழைத்து பேசினார் என கோலியே தெரிவித்தார்.

தோனி தற்போது ஐபிஎல் கிரிக்கெட்டில் மட்டுமே விளையாடி வருகிறார். சென்னை சேப்பாக்கத்தில் பயிற்சி ஆட்டத்தில் விளையாடிய தோனியை பார்க்கவே ஒரு கூட்டம் கூடியது என்றால் பாருங்கள். தோனி சென்னை வந்தது முதல் சேப்பாக்கத்தில் பயிற்சி ஆட்டத்தில் விளையாடியது வரை வீடியோ போட்டோ என அனைத்தையும் சமூகவலைத்தளத்தில் ட்ரெண்டிங் ஆக்கினார்கள் தோனி ஃபேன்ஸ்.

Also Read:  IPL 2023 : இன்று தொடங்குகிறது ஐபிஎல் கிரிக்கெட் திருவிழா.. மிரட்ட காத்திருக்கும் அணிகள்..!