ஐபிஎல் டிக்கெட்... சென்னையில் சிஎஸ்கே போட்டிகளை காண கட்டணம் எவ்வளவு தெரியுமா?

நடப்பாண்டு ஐபிஎல் கிரிக்கெட் தொடர் வருகிற 31ம் தேதி தொடங்குகிறது. குஜராத்தில் நடைபெறும் முதல் போட்டியில் சென்னை சூப்பர் கிங்ஸ் - குஜராத் டைட்டன்ஸ் அணிகள் மோதுகின்றன. ஏப்ரல் 3ம் தேதி முதல் சென்னை சேப்பாக்கம் மைதானத்தில் சென்னை சூப்பர் கிங்ஸ் - லக்னோ இடையேயான போட்டி நடைபெறுகிறது.

அதற்கான டிக்கெட் விற்பனை நாளை  காலை 9:30 மணியில் இருந்து தொடங்கப்படும் எனக் குறிப்பிட்டு,  அதன் விலை பட்டியலையும் சென்னை சூப்பர் கிங்ஸ் அணி நிர்வாகம்  அறிவித்துள்ளது. அதில்,  COUNTER-களில் மட்டுமே விற்பனை செய்யப்படும் கேலரி C/D/E Lower பிரிவு டிக்கெட்டுகள் 1,500 ரூபாயாகவும், ஆன்லைனில் மட்டுமே விற்கப்படும் கேலரி D/E Upper பிரிவு டிக்கெட்டுகள் 3000 ரூபாய் எனவும் நிர்ணயிக்கப்பட்டுள்ளன.

இதையும் படிக்க :  கிரிக்கெட்டில் எனது பங்களிப்பு இருக்கும்’ -  பயிற்சியாளராகும் விருப்பத்தை தெரிவித்த ஆஸி. வீரர்

அதேபோல கேலரி I/J/K Lower பிரிவு டிக்கெட்டுகள் 2500 எனவும், கேலரி I/J/K Upper பிரிவு டிக்கெட்டுகள் இரண்டாயிரம் ரூபாய் எனவும் விலை நிர்ணயிக்கப்பட்டிருக்கின்றன. சென்னையில் தோனியின் ஆட்டத்தை காண ரசிகர்கள் ஆர்வத்துடன் இருப்பதால், டிக்கெட் விற்பனை அமோகமாக நடைபெறும் என எதிர்பார்க்கப்படுகிறது.