ஹோம் /ராமநாதபுரம் /

புத்தம் புதுப்பொலிவுடன் தயாராகும் ராமேஸ்வரம் ரயில் நிலையம்.. மறுசீரமைப்பு பணிகள் தீவிரம்...

புத்தம் புதுப்பொலிவுடன் தயாராகும் ராமேஸ்வரம் ரயில் நிலையம்.. மறுசீரமைப்பு பணிகள் தீவிரம்...

ராமேஸ்வரம் ரயில் நிலையம்

ராமேஸ்வரம் ரயில் நிலையம்

Rameswaram Railway Station Renovation work : ராமேஸ்வரம் ரயில் நிலைய ரூ.90.20 கோடி செலவில் மறுசீரமைப்பு செய்யப்பட்டு சுற்றுலா பயணிகளின் வசதிக்கு ஏற்றவாறு புதுப்பிக்கும் பணிகள் தீவிரமாக நடைபெற தொடங்கியது, 18 மாதங்களுக்கு நிறைவடையும் என தெற்கு ரயில்வே மதுரை கோட்டம் சார்பில் தெரிவிக்கப்பட்டுள்ளது.

மேலும் படிக்கவும் ...
  • News18 Tamil
  • 1 minute read
  • Last Updated :
  • Ramanathapuram, India

ராமநாதபுரம் மாவட்டம் ராமேஸ்வரம் ரயில் நிலையமானது மதுரை கோட்டத்தில் உள்ள ஒரு முக்கியமான ரயில் நிலையம் ஆகும். இந்த ரயில் நிலையமானது, புறநகர் இல்லா ரயில் நிலையப் பிரிவுகளில் மூன்றாம் நிலையில் வருகிறது. ராமேஸ்வரம் ரயில் நிலையத்தை தினந்தோறும் சராசரியாக சுற்றுலா பயணிகள், பக்தர்கள், பொதுமக்கள் என 9,000 மேற்பட்ட பயணிகள் பயன்படுத்தி வருகின்றனர். விடுமுறை நாட்கள் மற்றும் பண்டிகை நாட்களில் அதிகப்படியான பயணிகள் பயன்படுத்துகின்றனர்.

இந்நிலையில், மறு சீரமைப்பு பணிக்கான ஒப்பந்த ஆணை 2022 ஆம் ஆண்டு செப்டம்பர் 22 அன்று தனியார் கட்டுமான நிறுவனத்திற்கு வழங்கப்பட்டது. ரூபாய் 90.20 கோடி செலவில் 18 மாதங்களுக்குள் கட்டுமான பணிகளை நிறைவு செய்ய வேண்டும் எனவும் உத்தரவிடப்பட்டு, கட்டுமான பணிகளை மேற்பார்வையிட மும்பையைச் சேர்ந்த தனியார் திட்ட மேலாண்மை நிறுவனம் பணி அமர்த்தப்பட்டுள்ளது.

அதன்படி நிலப்பரப்பு கணக்கெடுப்பு, மண் மாதிரி பரிசோதனை, மரங்கள் கணக்கெடுப்பு, அசையும், அசையா சொத்துக்கள் கணக்கெடுப்பு, பருந்து பார்வை ட்ரோன் ஆய்வு ஆகிய பணிகள் முடிவடைந்துள்ளன. கட்டுமான பணியிடங்களில் உள்ள தேவையற்ற பொருட்கள் அகற்றப்பட்டுள்ளன. ஒப்பந்ததாரர் அலுவலக கட்டிடப் பணி நிறைவு பெற உள்ளது. சிமெண்ட் கலவையை கடத்தும் கன்வெயர் தடம் அமைக்கப்பட்டுள்ளது. 11 இடங்களில் பணிகளை துவக்க ஏதுவான சூழல் உருவாக்கப்பட்டுள்ளது என தெற்கு ரயில்வே மதுரை கோட்டம் சார்பில் தெரிவிக்கப்பட்டுள்ளது.

First published:

Tags: Local News, Ramanathapuram